قالخيب كؤچ ائيله دي آوشار ائللري،
آغير- آغير گئدن ائللر بيزيم دير.
عرب آتلار ياخين ائيلر آياغي،
اوجا داغدان آشان يوللار بيزيم دير.
((دادال اوغلو))
ميرموسي هاشمي
سوچلو اولدوغوموز ندندير؟
عصرلرديركي ايران آدلي بير اؤلكه ني آدديم- آدديم قورودوق، بو اؤلكه نين داغ داشيندا اؤوج- اؤوج قان وئرديك. دئمك اولار 1304-نجي گؤنش ايلي رضاخان دؤوروندن بري آذربايجان معين مقصدلر اوچون تيكه- تيكه بؤلوندو. وكندلرين، شهرلرين، چايلارين، داغلارين و . . . آدلاري توركودن، فارسي يا چئويريلدي. ميللي وارليغيميز گؤز اؤنونده اينكار ائديلدي. ضياليلاريميز. آيدينلاريميز وبوتون مبارزلريميز گؤنو- گؤندن تحقير اولوب واونودولدو.
57 ايل پهلويلرين آغير استبدادي آلتيندا ياشاديلار. لاكين بومدتده ناحق توكولوب آخان قانلار گئتديكجه سيل اولدو. 1356-نجي گؤنش ايلي بهمن آيي نين 29 دا بوسيل طغيان ائتدي، تبريز شهرينده، پهلوي حاكميتيني دهشته سالدي. وآردينجا 1357-نجي ايل بهمن آيي نين 22 سينده آدي چكيلن حكومت ياراتديغي قان دنيزينده بوغولدوب، يوخا چيخدي!
ايران اسلام حاكميتي چاغيندا دا، يئتدي ايل اون آي دوام ائتميش دهشتلي وفاجعه لي ايران- عراق ساواشيندان سونرا، پهلوي لر چاغي اونودولموش كيمليگيميزي جانلانديرماق، هابئله اؤز طالعيميزي الده ائتمك اوغروندا، بيرعده وطن سئور ومعارف پرور وطنداشلاركونوللو اولاراق كولتوره ل ومدني چاليشمالار باشلاييب، گئجه- گؤندوز ده يرلي واختلارين صرف ائتديرلر.
عصرلرديركي ايران آدلي بير اؤلكه ني آدديم- آدديم قورودوق، بو اؤلكه نين داغ داشيندا اؤوج- اؤوج قان وئرديك.
بوساحه ده اؤزلليكله اوشاقلار وگنج نسيل آرتيق ماراق گؤستريب و كلاسلاردا اشتراك ائتسه- لرده، يازيقلار اولسون كي، دؤولت طرفيندن موسيقي وسايره اينجه صنعت كلاسلاري ياساق اولاراق. وموسيقي آلتلري سينديريليب، ياداكي ضبط اولونموشدور، معليم لر و اؤيرنجي لر باسقي، تضييقات وتحقيرلره معروض قالميشلار. بيرسؤزله آچيق وآشكار شكيلده تاپدالانديق. آغيروچركين اتهاملاردامغاسي هله ده وورولماقدادير!
آنجاق بويولدا تؤكنمز اراده ايله چاليشانلار، يانان ايشيغي سوندورمه دن، ائله جه ده چاليشمالار ائولرده وباشقا- باشقا معين يئرلرده قيزغين ماراقلا آغيرشرايطده يئني دن جانلاندي. آذربايجان توركونون ايللر بويو اونودولموش ديلي يازيلي شكيلده، تاريخي وسحرانگيز موسيقي سي تئوري وپراكتيك شكيلده وهمچنين ميللي رقصلري و. . . اؤيرنيلدي.
بوايشلرين چوخ متانت ودؤزومله ايره لي گئتمه سي چوخلاري نين حسن- رغبتلريني قازاندي واؤز ميللي وارليغين سئونلر وبوميللي ثروته حسن- رغبت گؤسترنلر- گؤنو- گؤندن چوخالديلار. دئمك اولار داها بو ايشلره مانعچيليك توره دنلرين بازارلاري كساد اولدو. كلاسلار ايشيق اؤزوگؤردو، آناديلينده يازيشمالار چيچكلندي. زنگين آمما تحريف اولونموش تاريخيميزين اوستو آچيلدي، ميللي رقص وموسيقيميز پارلادي. وگونئي آذربايجاندا وايرانين باشقا يئرلرينده يئنه اؤزونه لاييق يئر آچدي. بيرداها مدنيت بئشيگي ساييلان قوجامان تبريزده گوجلو اركستلر وجوده گلدي.
اوزاقلاردان آدلاري ايله تانيش اولدوغوموز وبوساحه ده ميثيلسيز امك صرف ائدن رحمتليك علي سليمي وحياتدا اولان محمود شاطريان، حسن دميرچي، فرشباف، عاشيق چنگيز وآيري باشقا ديرلي هنرپرور سويداشلاريميزدان آد چكمگين يئري واردير. بوگون فخر ائتمك اولاركي، ميللي دموكرات اويانيش حركاتي نين ان بؤيوك سبب- لريندن بيري ده سازيميز، شعريميز وموسيقيميز اولموشدور. بوتهليكه سيز معنوي سلاح گله جكده بؤيوك آرزو يولونا ايشيق ساچاجاقدير.
آيدين ديركي بوتون بوچاليشمالار وامكلركؤنوللو اولاراق ميللي گؤجدن آسيلي اولوب ودؤولت يارديميندان فايدالانماقلا اولماييب. وبوساحه ده يئري گلديكجه آدي بللي جاهيللار طرفيندن بيرپارا چتينليكلرده تؤره نميشدير.
يئنه سوچلو اولدوغوموز بوندان عبارتديركي: آيري سئچكيليك قويمادان، اول آذربايجاني بوراخيب، ايراندان ياپيشديق. هروطنداشيميزا آيديندير، بوگونه ده ك ايران آديله آذربايجان توركونون ميللي وارليغي كولگه يه بوراخلانيب وگئديكجه منليك وكيمليگيميزدن اؤزاخلاشماق مجبوريتينده قالديق. عكسينده ايران آدي ايله يابانجي ديلي وكولتورو ميلتيميز ايچينده انكشاف ائتديرديك! بيزده بير دئييم وار. او بئله دير: ايگنه هامينيي بزه ر اؤزو لوت گزه ر
ائله بو دئييم بيز آذربايجانليلار حققينده گرچكدير. آتالار دئميشكن زيانين ياريسندان دا قاييتماق خيريميزه دير.
يئنه سوچلو اولدوغوموز بوندان عبارتديركي: آيري سئچكيليك قويمادان، اول آذربايجاني بوراخيب، ايراندان ياپيشديق. هروطنداشيميزا آيديندير، بوگونه ده ك ايران آديله آذربايجان توركونون ميللي وارليغي كولگه يه بوراخلانيب وگئديكجه منليك وكيمليگيميزدن اؤزاخلاشماق مجبوريتينده قالديق. عكسينده ايران آدي ايله يابانجي ديلي وكولتورو ميلتيميز ايچينده انكشاف ائتديرديك!
1945-نجي ايل آذربايجانين ميللي حكومت دؤورو رهبرلر بئله دميشلر: بيرينجي كره (دفعه) بيزي آللادسالار الله اونلارا لعنت ايله- سين. آمما ايكينجي كره بيزي آللادسالار، الله بيزه لعنت ايله سين!! باخ. بوگون ائله گئج اولمادان بوتاريخي سؤزدن درس آلمالييق.
ساتقين جاهيللر:
تاريخ بويو بالتانين (چاپاجاغين) ساپي اؤزوموزدن اولدوغو حالدا بيزلري چاپانلار، تاسفله ائله بوگون ده ميكروب كيمي هرطرفه سپه- لنميشلر، چئشيتلي حيله لرله اؤز ماهيتلريني گؤسترمكده ديرلر. بوگون بو گروپلار يئني بير تشبوثلرله اورتايا چيخميشلار. بيرعده سي كسكين ليكله ميللي مسئله سينه ياناشماق نييتينده دئييللر وآچيق شكيلده اؤزگه لره قويروق اولوب، آذربايجان آدي چكنلره عناد گؤزو ايله باخيرلار!
بوگروپلار بيزيم اوچون تهليكلي اولابيلمزلر، نيه- كي اونلار تانينميش عنصرلرديرلر. بيرطرفدن ده ميللي حركت ايچرسينده آذربايجان ميللي دموكراتيك ايده ئولوژيسي خصوصيله يئني نسيل- ده گوجلودور، وبوتون بوحركتده اولانلاردا دؤشونجه يارانيب وبودوشونجه اؤزره ساغلام دويغو وداورانيش لا محض آيدينليق شعورونا مالك ديرلر.
بيزلره تهليكه لي او عنصرلرديركي چئشيتلي نيتلرله آذربايجان آدي داشييان كولتوره ل، مدني ياداكي سياسي قوروملاريميزا قاتيليب وبوآرادا اؤزلرينه گئتديكجه يئرآچيب توپلومون پيسوكولوژوسونو اؤيره نندن سونرا وطنداشلاريميز آراسيندا آيريليق سالماغا چاليشيرلار وبوآرادا آدلي- سانلي وعؤمور بويو خلقينين سعادتي اوغروندا امك صرف ائدن ضياليلاريميزي وآيدينلاريميزي خصوصي ايله آغ ساققاللاريميزي پيسله مه گه چاليشيرلار وبوساحه ده چوخلو فاكتلار واردير. البته كي چوخلو آييق وساغلام گؤروشلو وطنداشلاريميز وارديركي، بئله بير حيله لره يول وئرميرلر. آمما تاسف اولسون تجربه سيز وساده انسانلارين بوتهليكلي اويونا دؤشمكلري داها آرتيق اولور.
بو انيش يوققوش يولدا چتينليكلرايله قارشي- قارشييا اولساق دا، آنجاق بوتون هنده وريميزي گؤروروك وسيناقدان كئچيريريك، بواؤزو هاميميزا بؤيوك باشاري قازانماق دئمكدير. آمما يولوموز اوزانيرسادا بوآداملارين اللري آرتيق آچيلير واونلار بيلمه ليديرلركي آرزولار مئشه سيني بيرداها قيرماق امكاني اولماياجاقدير. نيه كي تاريخين آجي صحيفه لريندن آلينان تجربه لر ميلتيميزه ان بؤيوك اؤرنك دير. وكرواندا گئدن يولچولار گؤز به به- يي كيمي يام ياشيل آرزو مئشه لريني قوروياجاقدير.
ساتقينلار اؤزلرين دونيا مالي، عالي رتبه لر قارشيسندا ساتسالاردا كيمسه نين سؤزو يوخدور، يالنيز اونلارا آرتيق نفرتيميز واردير. لاكين بيرآنلي آچيق آزاد ميلتين ديلين، كولتورون، تاريخين ومحض كوكونوچئشيتلي حيله لرله ساتماغا حاقلي دئييرلر. وبيز. بويازيق وگئري قالميش عنصرلري جاهيل آتلانديريريق!! وجاهلين حاققيندا داهي شاعريميز ميزاعلي اكبر صابرين بو بير بيت شعريني آشاغيدا بئله خاطيرلاييريق :
جاهيلين جاني جهالت شمعينه پروانه دير،
اؤز اليله اؤز ائوين ويران ائدن ديوانه دير.
عاليملرين سوسماسي:
هاميميزا آيدين ديركي وطن پرورعاليملريميز عؤمور بويوآغيرشرايط ايچرسينده تضييقلر وتحقيرلره باخماياراق، ميلتين وارليغي وسعادتي اوغروندا چاليشيب واؤزلريندن معنوي ايزلر بوراخميشلار. ائله بوگونكو گؤنئي آذربايجاندا اويانيش پروسسي تصادفي دئييل. سؤنوب گئدن وياسماده قالان ايشيقلي اولدوزلاريميزا بورجلويوق. آمما تاسفله بعضي عاليملريميز بوگون آرتيق ملاحظه كارليق تاكتيكلري ايله آدديم آتماقداديرلار. واؤز موضعلريني آچيقجاسينا بيان ائتمكدن امتناع ائديرلر. بوايش كتله نين اؤزليكله گنج نسيلين ايچرسينده گيجلمه بحراني واميدسيزليك ياراتماغا سبب اولماقدادير. وبو آرادا راديكال وعصيانچي گروپلارين يارانماسينا يول وئريلير. ونتيجه ده پان ايرانيزم قووه سي نين ايبستگي الده ائديلمكله ميللي قووه لريميزين ساغليم حركت اوچون گوجو ضعيفلير.
بوساحه ده هرطرفلي فاكتلارا اشاره ائتمك اولار، هله ليكده بيرجانلي فاكتي اولدوغوكيمي بو يازيدا عزيز اوخوجولار اوچون قيدائتمگي اؤزومه بورج بيليرم. اوبئله دير: 2002-نجي ايل يؤل آينين 23 ده ايسوچ واختي ساعات 2400دي گؤسترير. مالموشهرينده ايش ميزيمين داليندا چاليشيرام. ائله اوساعات بيرگؤنئي آذربايجانلي گنج اؤيرنجي ايله كي توركيه انيورسته سينده تورك ديلي وادبياتي ساحه سينده تحصيل آپارماقدادير، ياشاديغي ائويندن انترنت باغلانتي- سينداييق.
بعضي عاليملريميز بوگون آرتيق ملاحظه كارليق تاكتيكلري ايله آدديم آتماقداديرلار. واؤز موضعلريني آچيقجاسينا بيان ائتمكدن امتناع ائديرلر.
بو وطن پرور اؤيرنجي نين حرارتلي وصميمي دويغولارلا، علمي دانيشقلاري مني داها آرتيق اونو دينله مه يه ماراقلانديريب وسئوينديردي. اوشاق چاغلاريندان تانيديغيم بوخاراكترلي گنج بيروطن سئور، مدني ومبارزعايله ده بوياباشا چاتميش وتام وجودي ايله آذربايجانين ميللي وارليغينا اينام وهوس بسله ييب وبوساحه ده صداقتلي اؤرك ايله چاليشانلار سيراسيندا ساييلانلارداندير.
گنج اؤيرنجي سؤزونو بئله باشلايير: دوكتورانت تئزيمي يازماق اؤزرينده بيرمدت دير چاليشيرام! بوگونه قدر چئشيتلي قايناقلاردان آز اولورسادا اولسون، ماترياللار توپلاميشام. هله كفايت ائتمز! هله ده بوايشي دوام ائتمكده يم. بوناگؤره كئچنلرده اوستادلاريم منه وظيفه وئرميشلر، بوتون كتابخاناني آختاراراق، يئنه لاريم اولان يازيلاري آراييب واونلاردان فايدالانام.
بيرمدت بو ايشده چاليشديم. تاسفلراولسون كي آذربايجانا عايدچوخ آزليقدا اولان كتابلاري آراييب تاپديم. چوخ امك صرف ائدندن سونرا بوكتابلاردا درده ده يه ن بيريازي تاپماغا موفق اولماديم. كتابلار بوتون ايراندا سانسور اولاراق باسيلميشدير وائله جه ده گرچك (حقيقي) بيرآنلام داشيماماقلارينا گؤره باشلاديغيم ايش منيم اوچون داهاچتين لشدي. بوتون كيتابخانادا صرف ائتديگيم امكلر يارارسيز (فايداسيز) اولدو. بوبوشلوقلار وبئله يارامازليقلار مني اؤركدن كدرلنديردي. دؤنوب اؤز- اؤزومه دئديم: نئجه اولاركي باشقاديللرده ايستديگين عنوانلاري، يازيلاري آراييب تاپماق بوقدرآساندير؟ آمما اؤز آذربايجان توركجه ميزده ياشاديغيميز مدرن وآزاد عصيرده هله ده بوقدر چتينليكلرله قارشي قارشيياييق وبوقدر پارلاق تاريخه وزنگين مدنيته مالك اولان آذربايجان توركونون كوكونو قازيبلار وبوضدانساني ايشلر ائله جه ده دوام ائتمك ده دير!!
گنج اؤيرنجي آرتيق عاليملريميزه وآيدينلاريميزا اؤز توتاراق دئديكي بير ميللته بوندان آرتيق نه ظولم اولابيلر؟ بوگونه قدر نه اوچون آذربايجان حقيقتلريندن سؤز آچيلماييب؟ تاسفله بوگونده عالملريميزين بعضيلري سوسموشلار وبوسوسماق نه دئمكدير؟ گؤره سن بوگون دونيادا اؤزو وئرن آزادليق حركاتي ومدنيت شعارلاري بوتون انسانلار وميللتلر اوچون دئييل مي . . .؟
صميميت ايله سؤزلري دينله يندن سونرا سؤز نوبتي منه چاتدي. آنجاق بوحقيقتلر قارشيسيندا سؤز تاپيب قوراشديرماق چتينيدي! دئديم كي عموميتله عالملريميزين آرتيق احتياط كارليقلاري ايله راضيلاشانماسامدا بو عزيزلر حقيقتده بيرسيرا گرچكلري دئمك لازم دير. اونلاردان باشارديقجا مدافعه ائتمه لييك. نيه كي سون عصير ايچرسينده خصوصي ايله پهلويلر چاغيندان باشلاناراق بؤگونه ده ك هله ده ائلينه اوباسينا صادق قالان عالملريميزين گرچك يازيلاري گؤن اؤزو گؤرمه ميشدير.
نئجه اولاركي باشقاديللرده ايستديگين عنوانلاري، يازيلاري آراييب تاپماق بوقدرآساندير؟ آمما اؤز آذربايجان توركجه ميزده ياشاديغيميز مدرن وآزاد عصيرده هله ده بوقدر چتينليكلرله قارشي قارشيياييق.
آذربايجان ميللي حكومتي دؤوردوندن بري بوتون آذربايجان وارليغي اوغروندا قلم چالان ضياليلاريميزين قلملرين سينديرميشلار. چوخلاري گناهسيز جانلارين فدا ائتميش واشكنجه لره معروض قالميش، ياداكي آذربايجان يوردوندان ايرانين باشقا بؤلگه لرينه گؤندريليب وتحقير اولونموش حالدا سؤرگونده ياشاميشلار. ائله بوباسقيلار ،تضييقلر وتحقيرلرين نتيجه سيديركي بوگون گؤنئي آذربايجان توركلرينين ميللي وارليغيي يوخا چيخسين. وآنا ديليميزده دؤزگون تاريخيميز، ادبياتميز، مدنيتيميز واينجه صنعتيميزدن و . . . هئچ بيرماتريال آراييب تاپماق امكاني اولماسين. دئمك اولاركي عاليملريميزين بوگونكو احتياط كارليقلارينا سبب بوعامللرده اولابيلر!
ايرانداكي پان ايرانيزمين حاكميتلري ايستديكلري كيمي بير اؤزون مدتده آدلارين آذربايجانلي قويوب باشقا عاليمللر واسطه سيله آذربايجان ميللتينه ساختا تاريخ، مدنيت، ادبيات و . . . قوراشديرميشلار. هرطرفلي بوساختاكتابلاري فارسجا يازيب ويايميشلار. تاسفله ائله بوگون ده بو ياراماز ايشلرله توشلاشيريق.
ميللي حركتده اوردونون (ارتش) تدبيري:
ايندي بئله فرضي گتيرمك، پان ايرانيستلره وآنتي دموكراتلارا يئرلي دير وگرچكلري بوگون آرتيق آچيخلامالييق بلكه گؤزلر آچيلسين وقولاقلار ائشيدسين: توتاليم گله جكده آذربايجان ميللتي عموميتله باغيمسيزليق (مستقيلليك) ايسته سين. حاكميت هابئله حاكميتين اوردوسونون بومدني وحياتي ايستك قارشيسيندا تدبير وجوابي نه اولاجاقدير؟
اولا بيلسين اولده حاكميتين پاسدا قووه لريندن بيرقولو كوچه لرده، خياوانلاردا آزادليق اوغروندا يورش آپاران خالقي يئردن وگؤيدن گوللة له سينلر. البته كي بللي دگيل بوغير انساني ايشي نه مدت ائلييه بيلسينلر دوام ائده لر. آنجاق منتظم، دموكرات وسيناقدان گئچميش تجربه لي اردو نه جور؟ اوردوكي اللي فايضي دان آرتيق آذربايجانليلاردان يارانيب دير. بئله بيردورومدا هانكي آذربايجان عسگري حاضير اولاجاق اؤز خالقينا- اؤز قوهومونا آتش آچسين؟ يابونلاري اؤلدورنلرين قارشيسيندا ساكت اولسون؟ مؤلف اون بئش ايل حدودوندا ايران انقلابيندان اونجه (قاباق) وهابئله بيرايله قدر انقلابدان سونرا اوردونون حساس مركزلري نين بيرينده وظيفه داشيميشام . بواوردو 1976-نجي ايللريندن اؤنجه باشارا بيلردي ايراندا باغيمسيز ايسته ين ميللتلرين اؤلوسوندن تپه دؤزلتسين. نيه كي بو يؤكسك وگؤجلو اوردو شاهليق نظامين قوروماق اوچون دموكرات اصولدان اؤزاقدا ساخلانيلميشدير. وبوتوتاليتر سيستيمده، بوش اينام وظاهري انظباط حاكيم ايدي. وتاسفله بو عامللره گؤره عسگرلر، اؤزميللي كيمليكلرينه يابانجي قالميشلار. ويالنيز شاه نظامي نين الله- شاه- وطن شعارلاري بئيينلرده يئرلشميشدير!
البته كي بوايشده اوردونون يوكسك رتبه- لرينده وظيفه داشييانلارين سوچو آرتيق دير. آمما آشاغي رتبه لرده اولانلاري وعموميتله عسگرلري سوچلو گؤرمك دؤزگون دگيل.
ايندي بئله فرضي گتيرمك، پان ايرانيستلره وآنتي دموكراتلارا يئرلي دير وگرچكلري بوگون آرتيق آچيخلامالييق بلكه گؤزلر آچيلسين وقولاقلار ائشيدسين: توتاليم گله جكده آذربايجان ميللتي عموميتله باغيمسيزليق (مستقيلليك) ايسته سين. حاكميت هابئله حاكميتين اوردوسونون بومدني وحياتي ايستك قارشيسيندا تدبير وجوابي نه اولاجاقدير؟
بئله بيرفاكتلار اولا- اولاحاكميتلر الينده قوللانان اوردو 1357-نجي گؤنش ايلي بهمن انقلابيندان سونرا اسلام حاكميتي طرفيندن چوخلو سوچسوزعسگرلر اشكنجه لره معروض قالميش وچوخلاري اولدورولدو! آمما ظولمتي يارا- يارا قارانليقلاردان كئچن وسيناقلاردان آلني آچيق چيخان بومظلوم اوردودا، خوشبختليگله انقلابدان بري ميللي مسئله اوچون آيدينليق ودگيشيكلر وجوده گليب ائله اوجوركي فرانسيز (فرانسه) اوردوسوندا فرانسيزين 1887-نجي ايلده اؤز وئرن بويوك انقلابيندان اؤنجه وسونرا 16-نجي لويي چاغي وجوده گلميشدير.
عاغيلدان اؤزاقديركي چئشيتلي مبللتلردن يارانان ايران اوردوسو بيرداها حاكميتلر الينده اويونجاق اولسون، وميللت اوستونه آتش آچسين. حتا اگر بوآرادا حاكميت وفرمان وئرن مسئوللارعاغيللي اولورماسالار بيرداها آذربايجان ديارينا اوردو كروانلاري يولا ساليرسا، آرتيق احتمالي وارديركي اؤتن ايللرده لبنانين سلاحلي قووه لري نين باشينا گلن حادثه ايراندا تكرا اولسون. ياداكي 19-نجي عصرده آمريكانين قوزئي وگؤنئينده ايكي اوردونون بير- بيريندن آيريلما پروسسي ايراندا اؤز وئرسين. بوآرادا گئچميش يوگسلاويدا ميلاسويچ واونون امكداشلاري نين يالنيز اسلاو سويونو دوشونوب وصربلري اؤستون دوتماقلا فاشيستي داورانيشلارين خاطيرلاماق ان بارز اؤرنك دير. وحتا 1989-نجي ايل چئشيتلي جغرافيادا ياشايان، چئشيتلي ميللتلرين اؤزلليكله بوزني- كسووا تورك تبار لارين مختاريت حاققلاريني ضعيفلتدي. وچاليشديلار داغيلميش سوويت چاغيندان سلاح ومرمي انباري ايله تانينان يوگسلاوي اوردوسونون سونگوسوايله حاكميتلرين دوام ائتسينلر. آنجاق بوزني وكسووادا يورد مزارستانا چئويريلسه ده، اهالي ميللي وچريكي اوردوايله دوشمنله آمانسيز دؤيوشلر آپارديلار. بوگون ميللت آلني آچيق وآزاد ياشاماقدادير. آمما گئچميش يوگسلاوي ده فاشيزم تفكورو داشايانلار تاريخ بويو مغلوب اولوب ويئرتيجي اوردو باشچيلاري دا ايللرديركي باشي آشاغاليق ايله گيزلي ياشاماق مجبوريتينده قالميشلار!
هئچ اونوتمارام. بيرگون خراسانلي دوستلاردان بيريسي بيرمحفيلده دئدي كي : بير زامان آذربايجانليلار عموميتله اؤز ميللي حق وحقوقلاري اوچون آياغا قالخيب طالعلرين الده ائديرسه لر، من مشددي اؤزوم يا اولاديم حاضير اولمانييق ساواش اوچون اورايا گئده ك !
يئنه تانيشلاردان دا بيريسي كي شاه اوردوسونوندا وظيفه داشيرانلاردان ايدي، اؤتن ايللرده گؤجلو پان ايرانيزم تفكورو ايله چيخيش ائديردي. وبيرگون بيراجلاسدا من بيرآذربايجانلي كيمي چيخيش ائدركن حتا آذربايجان آدين گتيرمه گه ده حساسيت گؤستريردي. لاكين سون چاغلار گونئي آذربايجان ضياليلرينين، آيدينلارين وپارلمنت وكيللرينين 8ماده ايستكلر قيد اولان مكتوبوكي، آقاي خاتمي يه گؤندرميشلر، مكتوبون مضمونوندان خبردار اولاندان سونرا، تزه ليكده اؤز عاغيلدان اؤزاقديركي چئشيتلي مبللتلردن يارانان ايران اوردوسو بيرداها حاكميتلر الينده اويونجاق اولسون، وميللت اوستونه آتش آچسين.
فكيرداشلارينا بئله يازير: ((توتاليم كي آذربايجان ميللتي عموميتله مستقيلليك اوغروندادير. بوايشده دونيا ميللتلرينين عمومي باخيشي كناردا، بشرحقوقلاري وآزادسئچيملر و . . . كناردا من مؤلف اؤز شانيمده بيلميرم كي بير ايران عسگري آديله بيرگون تبريزه يوروش آپارام. واو ديارين انسانلاري نين نفرتلي باخيشلاريله قارشي- قارشييا اولام! كي مندن سوروشالار: نيه بيزيم ياخاميزدان ال چكميرسينيز؟ نيه بيزيم گنجلريمزي – عزيزلريميزي گوللة ليرسينيز ودهشت ياراديرسينيز؟ بوگوروشلرده آيدين اولوركي استقلال طلب اوچون اودلو سلاح قوللانماسي نين سونوجو نه اولار! بيرداها خاطيرلايير:
گلين . آزادليق واستقلال ايستين ميللتلر اوچون قولاقلاريميز ائشيتسين وگؤزلريميز بوگونكو دونيا شرايطي ايچرسينده حقيقتلري ياخشي گؤرسون وبومسئله دن قاچماياق، بلكه ده بونا بيردؤزگون چيخيش يولو آختاراق!!))
