ميرموسي هاشمي
قالخيب كؤچ ائيله دي افشار ائل لري،
آغير- آغير گئدن ائللر بيزيم دير.
عرب آتلار ياخين ائيلر آياغي،
اوجا داغدان آشان يوللار بيزيم دير.
((دادال اوغلو))
يول اؤزون دور! داشلي، چينقيللي ،تهليكه لي- دير، آمما شرفلي، قوتسال (مقدس) بيريولدور. اوناگؤره كي، آزادليق يولودور! وبوسقودا دورموش قودوز قوردلارين سايي آز دگيل. بواوزون يول دا يئمك، يوخ. سو، يوخ. گئيم يوخ، سلاح ومرمي، يوخ. اوشاق دان بويوگه، جواندان، قوجايا، قادينلي كيشيلي كروانا قوشولانلاري داشيماغا وسيله يوخ. خسته لره، يارالي لاراحكيم وداوادرمان يوخ. صاديق اؤره لكه تمناسيزيارديمجي يوخ و . . .! بيرطرفده ن ده تانينميش دوشمنلرين آتشين مرمي لري، بوگرگين دورومدا كرواني تهديد ائتمكده دير. بيرسؤزله اللري بوش يولچولار مين بيرچتينليكلرله قارشي قارشييادير!
بواؤزون، تهليكلي يولون سونوندا بؤيوك آرزولارباغچاسي وار. باغچانين رنگارنگ گل- لري وچيچك لرين نين قوخوسو، يولچولاري مقصده چاتماقدا داها هوسلي وصبيرسيز ائدير. وآرزو، ايستك لري بوصفالي يئرده الده ائتمك اوچون يولچولار، گونو-گونده ن آيدينلاشير، گوجله نير، هركيچيك لاكين تهليكه لي اشارانتي ني حيس ائدير. ائله بوگونه ده ك، باهارين شاقيلداييب آخان، يوردو يوواني ويران قويان سيل- لرين. پاييزين طوفان قوپاردان يئللرين. قيش ين دهشتلي بورانين، سويوقون هابله بوتون يولچولاري تهليكه يه ساليب نابود ائده ن عنصرلري نظرده ن كئچيردير، بيرسؤزله گئنيش حاضيرليق ايله بؤيوك آرزو يولون باشلاماق نيتينده دير.
كروان باشچي لاري نين بئله گؤزل تشبوث وتدبيرلري بوتون يولچولارين ديققتين چكيب واؤركلرين سئوينديرير. هابئله اؤزلرينه لاييق ايشيقلي بيرگله جه گه آرتيق اينانديرير.
اگرسؤزلريمي يوخاريداكي عنوانلا باشلاسامدا، آنجاق بوقوتسال يولون يولچولارين تشكيل ائدن آذربايجان اولادلاري دير.
بواولادلار، اوشاق چاغلاريندان قارا بولوتلار آلتيندا، ايلك مكتب لرده، نه فارسجا دانيشان معلمين ديلين قانيب ونه ده كي كيتابين يازيلاريندان باش چيخاريبلار. آلتي، يئتدي ايل تام عايله ده، سو، چورك اؤيره نن اوشاق بورادا ياد ديلده آب، نان و . . . ايله تورشلاشميشدير. اوشاق بؤيودوكجه اؤز آنا ديلينين انكار ائديلمه سين بوتون معناسي ايله حيس ائديب وآجي خاطره لرين تحصيل چاغلاريندان باشلاياراق، عمرونون سونوناده ك ذهنينده خاطيرلادير. معنوي سلاح وسارسيلماز اراده ايله قارانليق ظلمتين اؤرگين يارا، يارا، يورولمادان آييق ليق وساييقليق ايله يول گئدير. عشق اولسون بو يولا ويولچولارا.
يولدا اولان انگللر:
بيرينجي سي، پهلويلرسلاله سي حاكميتينده يارانان، پان ايرانيزم تفكوروداشييان پان ايرانيست- لردير. بونلار آذربايجان توركونون تانينميش، قداردشمنلري اولاراق، بوگونه قدر توره تديك لري چئشيتلي عدالتسيزليكلر وجنايت لرتاريخي واراق ووروب آراديقجا گؤزه چارپير. وداها كئچميشه دؤنوب يئربه يئراونلاري قيد ائتمگه نه حوصله واردير، نه ده كي عزيز اوخوجولارين واختيني صرف ائتمك نيتينده يم. آنجاق چئشيتلي قايناق لاردان بوجنايت لري آختاريب تاپماق چوخ دا چتين دگيل. اؤرنك اولاراق يالنيز1326-نجي گؤنش ايلينين آذرآيندا گؤنئي آذربايجان ملي حكومتي نين قان ايچينده بوغولماسي نين سرانجام طالعينه، قيسااشاره ائتمگي بوسطيرلرده ضروري بيلديم:
((تهران حكومتي نين عنصرلري فدائيلرين ائولرين تالان ائتديلر، 25مين دن آرتيق آزاديخواه وگناهسيز انساني هلاك ائتديلر 2500 نفردموكرات، محمدرضاشاهين صلاحيت سيزمحكمه لري طرفينده- ن اعدام اولوندولار. 8مين نفراوچون آغيرمجازات وئريلدي. 3600نفركنديلي لرده ن- سلطان آباد، اراك، بندرعباس وبرازجان بؤلگه لرينه سورگون دوشدورلر. هابله آذربايجانين ملي حكومتي نين عسگرلري وفدائيلرينده ن تشكيل تاپان منتظم كاروانلارآرازين اوتاييندا قوزئي آذربايجان تورپاقلارينا سيغينديرلار، 1325-نجي ايلده باكي قايناقلاري نين (منبع لري نين) وئرديگي معلوماتا گؤره بوسورگون دوشنلرين سايي 70مين نفراعلام اولونموشدور.)) (1)
مركزي دولتين آمانسيز گؤزلريني قان توتموش اوردوسونون واونلارا باغلي ساتقين لارين يوروشلري نتيجه سينده بوتون كولتور، اينجه صنعتت و . . . مركزلري ويران اولوندو، وموسيقي آلتلري سينديريلدي. مركزي تئاتر وملي پارلمانتين كتابخاناسي همچنين معصوم مكتب اوشاقلاري نين كتابلاري يانديريلدي. سردارملي ستارخانين وسالارملي باقرخانين هيكللري يئرينه رضاخانين شكيللري يئرلشدي.
تاسف لراولسون كي آدي چكيلن قووه لر واونلارين تؤره مه لري ايللر بويودورايسلام حكومتينه آرخالاناراق، دؤولت اورگانلاريندا و . . . نفوذا مالك ديرلر. اؤزلليكله بوسون چاغلار آرتيق فعاللاشميش لار. بو فعاللاشمالارين سونوجواوندان عبارتديركي: بوگونه ده ك آناياسانين 48-19-15-نجي ماده لري حياتا كئچمه ميشديروآنا ياساكي، اوغروندا مين- لرآذربايجانلي جانلارين پهلوي حكومتي ايله مبارزه- ده ياداكي ايران، عراق ساواشلاريندا فدا ائتميشلر.
بوتون آذربايجان كندلرينده. شهرلرينده وايرانين باشقا بولگه لرينده سايسيز، حسابسيزمزارلاردا ياتان شهيدلريميز سوزلريمين جانلي شاهدي دير.
ايكينجي سي بعضي خارجي اولكه لردير: تاسف ايله بواؤلكه لرايچرسينده گئدن چركين سياست- لرده، چاليشيرلارآذربايجاني، اؤزشطرنج اويونلاريندا مهره ده ك اويناتسينلار. آتالاردئميشكن اؤزونه، اوماج اووانمير، اؤزگه يه اريشته كسير. وايش گوجلرين بوراخيب، گؤنئي آذربايجاندا گئدن ميلي-دمكراتيك حركتي، اؤزعاميللري نين واسطه- سي ايله چاشتيرماغا يؤنتمك ايسته ييرلر. وبو انحرافي حركتلرله ميلتميزين قانوني ودوغال(طبيعي) ايستكلري نين قارشي سيني آلماق نيتينده ديرلر. و بوساحه ده پوللارخرج اولونور وامك لرصرف ائديلير.
آممايازيقلاراولسون كي بعضي لرهله ده تاريخده ن تجربه آلماميشلار. وگؤنئي آذربايجاندا آذربايجان توركونون ميلي پيسكولوژوسونو، ميلي احوال- روحيه سيني تانيماقدان وازكئچيرلر. وهله ده آذربايجانين آناسي ساييلان تبريزشهرينين بوگونه ده ك يابانجي قوشونلارقارشيسيندا ساواشييب وديره- نيش حماسه لرينده ن عبرت درسي آلماييبلار!
آذربايجان عالملري نين، آيدين لاري نين، محض مبارزلري نين، اؤزون مدت صرف ائتكديكلري امك لربوگؤن ميلتميزين اويانيش وديرچه ليش پروسس لرينده اؤز گؤجونو آيدينجاسينا نمايش ائدير. ويئني پروسس لره آدديم قويدوقجا اوقدرخارجي قووه لرين فعاليتلري آرتير. وساغليم حركتلري اؤزلرينه باغلاماقدا داهي آكتيوله شيرلر. و بوقووه لره باغلي وقوللوقچو اولان عنصرلر گئتديكجه آرتيق اؤزه چيخيرلار!
تاريخ تكرار اولونماقدادير:
ايللرديركي تهران حكومتي طرفيندن آنا ياسانين 15-19- 48- نجي اصل لري اجرا ائديلمير. وبوساحه ده دفعه لرله آذربايجانين حقيقي وحقوقو شخصيتلري طرفيندن معروضه لريازيليب واعتراضلار اولونوب، خصوصي ايله آنا ديلي حاقيندا پارلمنت ده دارتيشمالار اؤز وئريب. وآذربايجانين پارلمانت ده كي تمثيلچي لري بوساحه- ده آرتيق چاليشميشلار. آمما 1358-نجي ايللرينده قيدياتدان كئچميش قانون بيرداها سسه قويولموشدور. وآنتي دموكرات ليغين گؤسترن پارلمانت سس آزليغينا استناد ائده رك آنا ديلينده تحصيل آپارما غا قيرميزي جيزگي چكيلير. بئله- ليكله پهلوي لرحاكميتتي نين متودلاري يئني ده ن داوام ائدير!
طبيعي ديركي قانونسيز بير اؤلكه ده عدالت، امنيت اولابيلمز. وبئله بير دورومدا انسانلارين حاقي گؤز اؤنونده دانيلار وانساني ياشايشدان محروم اولارلار. وبئله بير دورومدا ميلت ده قانونلار اؤزرينده اينامين الدن وئريب و حاكميت دايره لرينه حسن ورغبت گؤسترمز.
قانون هرايكي طرفدن محترم ساييلماغي اوچون، فرانساانقلابي نين بؤيوك متفكري ژان ژاك روسو اؤزونون مشهور اثرلرينين بيرنده بئله ديير:
((پيمان ايكي طرفلي اولمالي دير، او، بيرطرفدن پوزولارسا، ايكينجي طرف اونوساخلاماغا مجبور دگيلدير.)) (2) بوگونه ده ك تاريخين تكراراولونماسي هاميميزا آيديندير، آنجاق تاريخ بويو، تهران سنتراليزمينده
آزادليق آتمسفريندن هئچ بيرخبر اولماييب واولماياجاقدير. وبوحقيقته اينانمايانلارا يازيقلار اولسون! نيه كي تاريخين تكراراولونماسي نين نئچه ايللرديركي جانلي شاهيدييق.
مشروطيت وخياباني حركتلريندن سونرا يئنه پهلويلرچاغي، 1324-نجي ايللرده اله جه ده 14- نجي پارلمنت ده بوايش باشقاشكيلده يئني ده ن تيكرار اولونموشدور.
ميرجعفر پيشه وري يازير:
((مني 16مين راي ايله انتخاب ائديب مجلسه گؤندرن آذربايجان خلقينين احتياجلاريني ساييب سويله ديم. سؤزلريمي بؤيوك بيردقت ودرين بيرسكوت ايله ائشيديب تصديق ائتديلر. تصديقلر خيانتلريني گيزلتمك اوچون قارا بير پرده دن باشقا بيرشئي دگيلدي. فرصت اللرينه دوشن كيمي ده ((بوآذربايجانلي راحت اوتوران آداما بنزمه يير بونو بورادان اوزاقلاشديرماق لازمدير)) دييب اعتبارنامه- م ايله تولكي لره ياراشان آلچاقليقلا مخالفت ائتديلر. بونونلا بئله مايوس اولماييب جبهه آزادي اطرافيناتوپلانان آزاديخواهلارين كمگي ايله مبارزه- يه باشلاديق. افسوس كي حرارتلي مقاله لر، شدتلي جمله لريميز تاثيرسيز وجوابسيز قالدي. تهران تكان يئدي، آمما ارتجاعا دوغرو، آمما خلقلرين حقوقوني آياقلارآلتيندا پايمال ائتمگه دوغرو.
وضعيت بالاخره ائله آغيربيرحال آلدي كي، آرتيق تهراندا اوتوروب مقاله يازماقدان يانطق ائتمكدن بيرنتيجه اولا بيلميه جگيني يقين ائتديم. ناچار بيرايل بوندان اول تبريزده اوزون، اوزادي بحث ائتديگيميز مسئله اطرافيندا دوشونمگه باشلاديم. بوچوخ ساده بير تدبير ايدي. منيم تبريز مسلكداشلاريمدان چوخوسي تهراندان بير ايش چيخمياجاغيني ايره لي چكيب دئديلر:
آذربايجاندان باشلامالي، بوراني اول اصلاح ائتملي، آذربايجان خلقينين اؤزگوجوايله بوردا ملي حكومت وجوده گتيرملي ييك. تهران، ارتجاعين باشي استبدادين مركزي دير. او، اطرافدا باش قالديران بوتون حركتلره مخالف دير.
بيرينجي نوبه ده اورادان گؤز يوموب مستقيما بورادا ايش گؤرمه ليييك. بوفكيرين حقيقتي او وقت نظريمده داها آشكار بيرصورتده جلوه ائتدي كي، دؤولتين مسئول مامورلاري ايله آذربايجان خلقي نين تظلم ودادخواهليق تلگرافلاري حقينده مذاكره ائتديم.
مثلا، بيات دئدي، من راديو واسطه سيله مراجعت ائتميشم آرتيق خلق عريضه وتلگراف واسطه سيله اؤزونه زحمت ويرمه ملي دير.باشقالاري داها آجي، داها شدتلي جواب وئرديلر.
صدر دئدي، بير تلگراف اولماسين، مين تلگراف اولسون من بوكيمي بوش سؤزلره جواب بئله
ويرمه يه جگم.
بوسؤزلرين آيري جوابي اولا بيلمزدي. گرك خلقه مراجعت ائتمك. خلقين يومروغونون گوجي ايله آزادليغي تامين ائتمك! بو شعارلا من تبريز آزاديخواهلارينين تكليفي اؤزره تهراندان آذربايجانا حركت ائتديم)). (3)
انكار ائديلمزحقيقت لر:
اؤزون مدت ديركي آذربايجانليلار آغيرشرايطه دؤزه- رؤزه ، اله بوگؤنده ايران اؤلكه سينده 40%قدرفارس ميلتي نين ديلي وكولتوروساحه- سينده يوكسك آدديملارگؤتورلنير وبوايش ايسلام حكومتي نين بير اؤنملي داخلي پولوتيك لريندن ساييلير. وعكسينده باشقا غيرفارس ديللرين محواولونما پروسس لري سرعتله دوام ائدير. اؤزلليكله راديو وتلويزيونون بوساحه ده ان دهشتلي رولو واردير.
آذربايجانين مدني عايله لري نين ايچرسينده ملي وفرهنگي مبارزه گوجله نيرسه ده، آنجاق دولتين گوجلوتبليقاتي نتيجه سينده، باشقاساده آذربايجان عايله لري نين اوشاقلاري ائولرده، مكتب لرده و
. . . تورك ديليندن اوزاقلاشماقداديرلار.بوحقيقتي بيرچوخلاريندان ائشيديب وچئشيتلي قايناقلاردادا اوخوموشدوم. آمما يئنه اميد ائديرديم كي ايسلام حاكميتينده بيرميلتين ديلي اوچون بوقدرحساسيت گؤستريلمه سين وانسانلارآراسيندا آيري سئچكيليك اولماسين. آمما ايللرديركي بو اميد ي كولگه يه بوراخميشام وبوساحه ده بير اوفاق ولاكين جانلي اولايي (حادثه ني) آسميله سياستي نين چركين اوزونو بيرداها آچماق اوچون بئله خاطيرلامالييام:
بوكئچنلرده آلتي ياشيندا اولان سهند آدلي بير نوه م ايسوچدن، ايرانا گئتميش وآذربايجانين اورموشهرينده قوناق اولان چاغي ائشيديب واوخودوغوم گرچگلرحيس ائديلميشدير. عموميتله بيزيم كندده،شهرده وخصوصي ايله عايله- لريميزده اؤنجه دن آنا ديلينه آرتيق سايغي وحؤرمت بسله نر. وبوناگوره ده بوتون عايله لرده اوشاقلارلا توركجه دانيشيب واؤز آنا ديللرينه فخر ائدرلر.
آمما بوگون تاسف اولسون كي يوخون عايله- لريميزين يئني يتمه لرينده بعضي اوشاقلار توركجه بيلمه دن، سهند ايله فارسجا قونوشماق مجبوريتينده قاليرلار. اوشاقلار بير-بيري ايله ائوده اويناياركن اوشاقلارين بيري سي سهندين آذربايجان توركجه- سينده اولان اوشاق ناغيلي كيتابي ني گؤتوروب باخبرميش. سهند كيتابي آليب ودئييركي :
كيتابي گؤتورمك اوچون مندن ايزين آلماليسان. بالاجا قيز سهندين دانيشيغين باشا دؤشمور، اوطرفدن آينازين آتاسي دئيير: قيزيم ايزين آل! آيناز، توركجه بيلمه دن، فارسجا دئييركي: اجازه هست كيتاب رابگيرم؟ سهندده، آينازي باشا دوشمور. سهندين بؤيوك آنالاري دئييرلركي :سهند.كيتابي وئرعمي قيزين آينازا. سهند جواب وئريركي:
يوخ. آيناز آذربايجانجا ايزين ايسته سين من كيتابي وئريم. سونرا سهند اوردا اولان عمي قيزي وبي بي قيزي سينا دئييركي:
من سيزي دوشونه بيلميرم! اوديل آذربايجان ديلي دگيل! نيه بس سيزمنيم كيمي آذربايجانجا دانشميرسينيز؟ اوگناهسيز، معصوم اوشاقلارهئچ بيرجواب وئره نميرلر! اوشاقلارين بودانيشيقلارينا شاهد اولان عايله عضولريندن اوشاقلارا ياخينلاشيب، سهندايله توركجه قونوشوب وقانع ائديرلركي اوايكي اوشاقا فارسجا اويره ديب لر. اونلارين گناهي يوخدور. واونلار توركجه بيلميرلر سنله دانيشسينلار!!
باخ. ماراقلي دير، بيرعايله نين اوشاقلاري بير-بيري ايله اؤز آنا ديلينده ايلگي يارادماقدان محروم اولموشلار.
ايسوچين مترقي ودمكراتيك قانونلاري حمايتينده سهند وسهندكيمي لراؤز آناديلين اؤيره- نيبلر. آمما آناوطن ده ياشايان بالالاريميز وگله جك نسلين معليم لري بيرينجي دوغما انسان حقوقلاريندان محروم قالاراق، بوگون گؤزاؤنونده مدنيت ادعاسي ائدنلرين ايرانداگئدن آسيميلاسيون سياستي نين قوربانليق لاري اولموش لار. وآيدين ديركي مين لرله بالاجا اوشاقلار، بويا باشاچاتمادان واؤزحق وحقوق لاريني تانيمادان بؤيوك انسانلار طرفيندن ان دهشتلي ظولمه معروض قالميشلار!!
اينانيرام كي بئله آجي دوروم دونيانين هئچ بيريئرينده اولماسين.قارا قووه لرين افكاري ايستر، ايسترمز بوگون ايرانداكي حاكميتين افكاري ساييلير.
بلي بوحاكميت ميلت قارشيسندا سوچلودور! نيه كي 24 ايل اسلام انقلابين غلبه چالماسيندان گئچسه ده هله كي آذربايجان توركلرينين معصوم اوشاقلاري اؤزآنا ديلينده تحصيل آپارماقدان محروم قالميشلار.
هله كي آذربايجان توركجه سي گؤز اؤنونده انكار ائديلير.گؤنئي آذربايجاندا راديووتلويزيون پروگراملاري دوولتي ديلده(فارسجا) ياييلير و . . . بويارامازايشلره وقانونسوزلوغا ظولم ده ن باشقا نه دئمك اولار؟ تورك آناسي قوينوندا فارس ديلينده ديل آچان اوشاقلارين قارشيسيندا سوچلو كيمدير؟ ياشاديغيميز، انترنت عصرينده اولو وارليغيميزي دؤزولمز سويه ده اؤلومه محكوم ائتمك قارشيسيندا سوسماق گناه دئييل مي؟ نئجه كي كئچن نسيل- لري سوچلوبيليريك، ملي ودموكراتيك ايستكلريميزي بوگون باش اوجاليقلا الده ائتمه سه- ك گلن نسيلين قارشيسيندا سوچلو اولماماغيميزي انكار ائتمك اولارمي؟ وبوبؤيوك ملي ايتكي نين ضررلرين يئني ده ن جبران ائتمك اولارمي؟
بوگون 8/7ميليون نفوسا مالك اولان قوزئي حدودلاريميزدا جوان آذربايجان جمهوريتي واردير وبونفوسا گؤره 600 دؤره سينده چئشيتلي قزه ت ودرگي نشراولونور. هابئله 700 كتابخانا واردير، سايسيز، حسابسيزآذربايجان توركجه سينده ويا چئشيتلي ديللرده كتاب يئرلشميشدير. سحرانگيزموسيقي سي دونيانين موسيقيلري ايچرسينده تانينميشدير و . . . وبو انكشافلار آذربايجان دولتلري نين مادي ومعنوي اؤزرينده انجام تاتيپ وتاپماقدادير. وگؤنئي آذربايجان ايله بيرميلت اولاراق بوتون ديل،كولتور، موسيقي و. . .ساحه- لرينده 30 ميليونا قدرايرانين سياسي حدورلارينين ايچرسينده ياشايان گؤنئي آذربايجان تورك لرينده- ن باش اوجا وبختيار ياشاييرلار. وكيمسه اونلارين ملي وارليغي ني انكار ائتمگه جسارت ائده بيلمير. لاكين بيزگؤنئيلي لري دونيادا يالنيزآذربايجان جمهوريتين زنگين ديلي وانكشاف ائتميش ملي وارليغي ايله تانيرلار.
تاسف اولسون كي بوقدرچوخلوقو تشكيل ائده ن، ايراندا آذربايجان توركواوچون نشراولونان قزه ت ودرگي لرين سايي60 (آتميشي) آشمير واونلارين چوخودا فارس ديلينده ياييلماقدادير! آقالارايستديكلري چاغدا مطبوعاتين ياساق فرمانين چيخاريب واؤزديلينه وكولتورونه سايغي بسله ين مطبوعات خادملرين اوتانماز، اوتانماز شالاقلا وزندانلاجزالانديريرلار. كتابخانا وكتابا گلديكده30 دانادان آرتيق كتابخانه يوخدور وتوركوكتابلارين سايي دا اولابيلير100 جلدي آشماسين.
بيرروس عاليمي آناديلي حاقيندا بئله دئيير: ((اگر بيرميلتي باغيمسيزليقدان محروم ائدسن، شهرين وكندين داغيدسان، حتي اوميلتي دوغما وطنينده ن ديدرگين سالسان، اوميلتين وارليغي اؤلمز. آمما اگربيرميلتين ديلين آليرسان اوميلت تيزليكله يوخ اولوب وتاريخين صحيفه سينده ن محواولار)) نيه كي ائليه بيلمز فرهنگي وارليغين واؤز ايده لريني ديله گئتيرسين!)) (4)
تصادفي دگيلدي كي، آذربايجان دموكرات فرقه- سي نين باشچي سي رحمتليك ميرجعفر پيشه وري دئيردي : سياسي مبارزه ده
ائله مك اولاربيرقدم دالي يا قاباغا قويولسون، آمما اصلي سنگري الده ن وئرمك مغلوبيت معناسينادير
وبيزه، ديل اصلي سنگردير. نيه كي ملي ديل، بيرمعجزه كيمي ائليه بيلر بوتون گئري قالماقلاردا وفرهنگي انكشاف ائتمكده بؤيوك رولواولسون.
آردي وار. . .
قايناقلار
1- تريبون درگي سي نين 3-نجي سايي /باهار1998- ص136
2- 21 آذركيتابي ص 85
3- همن كيتاب صص 80-81
4- زندگي صفرقهرمانيان ص8