بو گون بو کورسوده منه وئریلن فورصتی یازیچی اولماغین نه دئمک اولدوغو اوزرینده جمعله‌مک ایستردیم.
مؤلف ندیر و یا کیم‌دیر؟
درحال دئییم: یازیچی اوخویان آدام‌دیر. بس اوخوماق ندیر؟
اوخوماق، اینسانلارا و اشیالارا خاص اولان معنانی آچماق‌دیر.
اینسان ندیر سوالینا جاواب آختاریشی‌دیر.وارلیق ندیر، هاردان گلمیشیک، سوالینا جاواب آختارماق‌دیر.
بو جاواب اینسانلارین و اشیالارین معناسیندا وار و اوردا قالیر. اما کیمسه اونو بیزیم اوچون چیخاریب اورتایا قویماسا،
بو معنا اورادا قالاجاق. اونا گؤره ده بیری اونو بیزیم اوچون اوخومالی‌دیر.
آنجاق هرکس اؤز اوخوماسینین نتیجه‌سینی قارشیمیزا چیخاریر. اونا گؤره ده هر کس او معنانی اؤزونه مخصوص
شکیلده اوخویور.
بئله‌لیکله،دئمه لی، اوخوماغین بعضی فورمالاری وار.
البته عالیمین اوخو تئکنیکاسی ایله شاعرین اوخو تئکنیکاسی، شاعرین اوخو تئکنیکاسی ایله حکایه‌چی، رومان‌چی،
دراماتورقون اوخو طرزی عینی دئییل. رسامین اوخوما طرزی ایله موسیقیچینین اوخوما طرزی بیر-بیریندن تامام
فرقلی‌دیر. بیرینجی‌سی اوخودوقلارینی رنگلرله، خط لرله عکس ائتدیرمه‌یه چالیشسا دا، ایکینجینین ماتئریالی سسدیر.
موسیقیچیلر دونیانی اؤز مئلودییالاری ایله اوخویورلار.
صحبت یازیچی دان گئدیرسه، دونیانی سؤزو ایله اوخویان، اوخودوقلارینی دا سؤزو ایله بیزه عکس ائتدیره‌ن
اینساندان گئدیر.
دئمه‌لی،یازیچی نین اوخودوقلارینین مضمونو، باشقا سؤزله دئسک، اوخودوقلارینی سؤزلری ایله عکس ائتدیرمه‌سی
شخصی تجربه‌سینین محصولو کیمی عکس اولونور.
بس عکس اولونان شئی عکس اولوندوغو کیمی اورادا قالیرمی؟ طبیعی کی،یوخ! چونکی اونون بیزه بخش ائتدیی بو
معنانی هر بیر فردی اوخوجو اولاراق اؤزوموزه اویغون اوخویوروق و بئله‌لیکله ده همین متنی چوخالدیریق.
بورادا سوبیئکت کیمی باخدیغیمیز مفهومو اوخوماغی باجارساق، اونون معناسینی، اؤزونده گیزلتدیی معناسینی
باشقالارینا دا عکس ائتدیره بیله ریک.
بس بو ایشی بیزیم اوچون کیم عهده‌سینه گؤتوره‌جک؟ اوخوماغا قابیلیتی – ایستیقامتی – اولان آدام… او آدام کیم
اولدوغونو بیلیر. بورادا بوگون ۷۷ نجی دوغوم گونونو قید ائتدیگیمیز دوکتور ضیا بگ، بیزیم اوچون، بیز اوخوجولار
اوچون بو ایشی عهده سینه آلان شخص لردندیر.
بو ایش یالنیز ایستک هوسی ایله اولماز. بو ایش اصل ایستعداد طلب ائدیر.
گئچن ۱۰۰-۱۵۰ ابل ایچریسنده، بیزیم گونئی آذربایجان خالقی اولاراق، بئله مودریک انسانلاریمیز آز اولماییبدیر.
آنجاق چوخو یا باشفا خالقیلارا خدمت ائدیبلر و حتی آیتماتوفون دئدیگی کیمی مانقورت اولوبلار، یا دا چئشیدلی ایده
ئولوژی لرین خدمتینده، خالقیمیزا دوشمن لردن ده چوخ لطمه ووروبلار. بئله کی ایندی ده بیر تورک اولاراق اونلارین
یازدیق لاری،شوونیست لر طرفیندن کیملیک هاراییمیزا قارشی بیر قاخینج کیمی ایشله دیلیر.
کیملیک لرینی اونوتمایان و کیملیک داوامیزا گوج قاتیب، قوللوغ ائده ن آز ساییدا اولان متفکر لریمیزدن بیر
بویوگوموز دکتر ضیا بک دیر کی، هر زامان، هر یئرده و هر دیلی نن، خالقیمیزین تاریخی، ادبیاتی و وارلیغی
اوغروندا بویوک امک صاحبی دیر. نئچه دیل بیلدیگی اوچون، تاریخیمیزی چئشیدلی قایناق لاردان اوخویاراق،
فارسجا قایناق لاردا اولان دار چرچیوه لی باخیش لارین اوستونه گئچه رک، تاریخیمیزده کی گیزلی معنالاری آنلاییب،
باشقالارینا عکس ائتدیره ن، دردیمیزی آنلادان و گنج لره یول گؤستره ن، ضیا بگ کیمی متفکرلریمیزه سایقیمیز
سونسوز دور و آدلاری تاریخیمیزده پارلایاجاقدیر. منیم بورادا بؤیوکوموز اولان، جناب دکتر صدره اوزون عؤمور و
جان ساغلیغی دیله ییندن باشقا سوزو دئمه یه گوجوم چاتماز.
دوغوم گونونوز اوغورلو اولسون اوستاد.
علی آردی،
ايسوچ