اؤن سؤز
حورمتلی «وارليغين سسی» درگی سينين اوخوجولاری!
بيرمدت آرادان سونرا سيز، دَيَرلی اوخوجولاريميزی يئنیدَن درگيميزين «اؤزل» بوراخيلشی ايله سالاملاييريق!
قيد ائتدييميز کيمی، درگيميزين بو نمره سی «اؤزل» بوراخيليش دير. اؤتن ايللرده نئچه اينجه صنعت خاديملريميزه يوبيلئيی مراسمی کئچيرمه لرينين آردينجا، ايندی ده بو ساييميز آذربايجانين گونئی تاييندا يئرلشن قوجامان تبريز شهرينين وقارلی اوغلو و آذربايجان تورکونون ديلی، کولتورو، مدنيتی و بير سؤزله ميللی وارليغي اؤزَرينده فعاليت گؤسترن گؤرکملی عاليم ضياء صدرالااشرافی جنابلارينا حصراولونور!
بو عزيز اوستادين آنادان اولماسی نين ۷۷ ايللييی مناسبتی ايله رداکسيا هيئتی اولاراق اؤزوموزه بورج بيلديک کی، اونون شرفينه درگیميزين محتشم استانبول شهرينده تشکيل ائتدييی يوبيلئی مراسيمی حاققيندا بحث ائدَک، اثرلريندن نمونه‌لر وئرمه يه چاليشدييق. درگی نين سونوندا تَدبيردَن بعضی شکيللره و ضياء صدرالااشرافی معَللمين عنوانينا گلن تبريکلره يئر وِئريليب. بيرداها ديرلی دوقتور ضياء صدر الاشرافینی ۷۷ ايلليک يوبيلئيی مناسبتينه تبريک ائدير، اونا اوزون عؤمور، جان ساغليغی و ايشلرينده يوکسک اوغورلار آرزيلاييريق!
ايستکلی اوخوجولاريميز! آرزوموز بودور کی، آذربايجانين قوزئينده قاراباغ پروبلِمی حل اولان کيمی، گونئييميزده ده ميللی آزادليغين قاپيلاری اوزوموزه آچيلسين، ميللی اؤزگورلويوموزه قووشاق، هرزمان خالقيميزا خوش گونلر نصيب اولسون، هاميميز فراوان ياشاياق!
وارليغين سسی درگيسی نين، يازارلار هيئتی