سيد ضياء الدين(ضياء) صدرالاشرافی ۱۹۴۶-جی ايلين قيشيندا، آذربايجانين مرکزی ساييلان تبريز شهرينده دونيايا گؤز آچميش، آناسی معصومه سلطان قورائی و آتاسی سيد مجتبی صدرالاشرافی ايدی.
هر اينسان (قيز يا اوغلان) ياشام شرايطيندن آسيلی دير. آنا و آتاسينين يگانه اوغلو اولدوغونا گؤره، ياخشی امکاناتدان فايدالانميش ايدی.
۱۶ ياشيندا، آناسينی و سونرا آتاسينی الدن وئرن ضياء نين بؤيوک باباسی سيدحسين صدرالاشرافی [۱۹۴۵- جی ايل آذربايجان ميللی حکومینين تبريزده ايستيناف رئيسی اولاراق، عدليه نين باشيندا ايدی] اونون کفيلی اولور. مهربان خالالار، عاليم دايی لار و عاليم عمی لردن باشقا، تانينميش عايله اولدوغونا گؤره، بؤيوک عاليم لرين قاپيلاری ايسته نيلن واخت اوزنه آچيق اولموشدور.
ضياء، ديپلم الده ائتديکدن سونرا، ۱۹۶۳- جی ايل، کند تصرفاتی مهندس ليگی ساحه سينده، تهران اونيورسته- تينه باغلی اولان کرج شهرينده تحصيلينی بيتيرير. او، ۱۹۶۷- جی ايل بير ضابيط اولاراق عسگری وظيفه سينی بيتيرندن سونرا، ۱۹۶۹- جی ايل همدان شهرينين (بوعلی سينا) اونيورسته تينده ايشه باشلاميش و سونرا بو اونيورسيته تين بورسياسی ايله ۱۹۷۶- جی ايل فرانسه يه گؤندريلير. ضياء، ۱۹۷۷- جی ايل Maqistr درجه سی (کندلرين فضاسی) الده ائدير. نهايت ۱۹۸۲- جی ايل پاريس ده، سوربوننا انيورسيته تينده دکترا درجه سينه نائل اولموشدور.
(تئزينين عنوانی: ايرانين کندلرينده باش وئرن تَحَول لَر) ايلام دان، ايران ايسلام حؤکومتينه قدر.
ضياء صدرالاشرافی نين چاپ اولموش اثرلری و…
۱-فرانسه ديلينده دوقتورا تئزيندن سونرا، آذربايجان تورکجه سينده و چوخلو فارسجا مقاله لر خصوصيله (آزادليق و عدالت) اوزه رينده يازميش ايدی.
۲- ۲۰۰۸- جی ايل نويابر آينين ۲۸- ده آذربايجان جمهورينين باکی انيورسيته تينده، يونسکو ايله ايش بيرليگی اوچون
(ايسلام دونياسيندا فلسفه، ايده آليست، ماترياليست و شکاک فيلسوفلار اوزرينده مقاله يازيب و دانيشِب دير.
۳- ۲۰۱۹-ايلين مای آيی، باکی دا اسلاويان انيورسيته تينده تورکمانچای آنلاشماسی نين ۱۹۰- جی ايل دؤنومو اوزه رينده دانيشيب دير.
۴- «ايرانلیلارين اتنيک و پولراليزمی و ميللی کيمليگی» ايسوچده تريبون درگی سينين ۲ و ۳ ساييندا و همده ايراندا نشر اولموشدور.
۵- «ايران دا اورتاق ديل و آنا ديللر، يازی و يازی دئيشيک ليگی» روزگار نو درگیسی، نمره ۱۷۲-۱۸۶
۶- «تاريخ شاهيدديرکی، هئچ بير ميللت و اتنيکين بير- بيرينه اوستونلوگو يوخدور» روزگار نو درگيسی، نمره ۲۲۳-۲۲۷
۷- ايران و ايرانين مسله سی، پهلوی دؤورونده کی ايده ئولوژیيا و فردوسی نين شاهنامه سينين نقدی(تنقيد) ائتمه سی.
۸- پانيزم آنلايشی اوزه رينده دوشونجه (پان آريانيزمی و پان- ايرانيزمی نقد ائتمک. نيما آييليق نشری، نمره، ۱۲۳-۱۲۸
۹- «ايران کيمی چوخ ميللت لی اؤلکه ده دموکراتيايا مرکزلشمه يولو ايله نايل اولماق اولماز!». کانادا دا (شهروند قزه ته) سی ايله بير مصاحبه. ۲۰۰۷- جی ايلين مای آيی نمره ۱۱۲۶
۱۰- ۱۹۹۰- جی ايلين (قارا يانوار) حاققيندا ايکی کنفرانس دا، فرانسا پرزيدنتی(پرزيدنت فرانسوا ميتران ايله گؤروشمک.
ائولی دير،ايکی اوغول آتاسی دير.
