آذربايجانلي شاه اسماعيل صفوي بويوک دولت خادمي

ز.ابراهيموف

آذربايجانلي شاه اسماعيل صفوي اؤز دورينين بؤيوك ومدرك خادمي، ماهرسركرده سي اولمشدور. اونين قورديغي صفويلر دولتي آذربايجانين وايرانين تاريخينده چوخ مهم وماراقلي دورلردن بيريسيني تشكيل ائدير. شاه اسماعيلين باشچليق ائتديگي صفويلر دولتي زاماني آذربايجانين وايرانين سياسي- ايجتماعي ومدني- معنوي حياتي جوشغون سرعتله ترقي ايتمگله باشلاميشدي.

صفويلر دولتينه قدر آذربايجاندا وايراندا مركزلشمش واحد بير دولت يوخ ايدي. بو زمان حكم سوره ن دره بگلك، پراكنده ليك نتيجه- سينده آذربايجاندا وايراندا بير نئچه حكمدارلق وارايدي. بونلارين ايچرسينده آز- چوخ قوتلي اولاني آغ قويونلو دولتي ايدي. بودولت آذربايجان اراضيسينين خيلي حصه سيني، جنوب ولايتلريني احاطه ايديردي. ايرانين دا بير چوخ ولايتلري آغ قويونلي دولتينين تركيبينه داخل ايدي. آذربايجانين شمالندا شيروانشاهلارين دربندي سلاله سنين باشچيلق ايتديگي شيروان دولتي موجود ايدي. بوندان باشقا اؤلكه ده كيچيك بير دولت- اردبيل حكمدارليغي دا وارايدي. بو دولته آذربايجانين صفويلر قبيله سيندن اولان شيخلرباشچيلق ائديرديلر. گوستريلن بودولتلرله ياناشي اولاراق آذربايجاندا وايرانين جنوب شرقينده بير چوخ كيچيك فئودال حكمدارليقلاري دا وار ايدي. لاكن بو دولتلر وحكمدارليقلار آراسيندا محكم بير اتفاق يوخ ايدي.

طبيعيديركه، بوتون بونلار، دره بگليگين وپراكنده ليگين حكم سورمه سي ومركزلشمش واحد بيردولتين اولماسي اؤلكه نين سياسي، اقتصادي ومدني حياتين ترقسينه اولدوقجا منفي تاثير يتيريردي، اونين استقلاليتي وخارجي باسقينلاردان قورونماسي اوچون جدي تهلكه توره ديردي، آيري- آيري فئوداللار وحكمدارلار آراسيندا تئز- تئز باش وئرن محاربه لر اؤلكه نين تخريباتنا زحمتكش اهالينين وار- يوخوندان چيخماسينا سبب اولوردي.

شبهه سيز، بيله بيروضعيت اوزون مدت دوام ايده بيلمزدي. آذربايجانين اقتصادي ومدني- معنوي جهتدن سرعتله ترقي ايتمه سينه اولان حياتي احتياج، اجنبي باسقينلاردان مدافعه اولونماق منافعي مركزلشمش واحد بير دولتين عمله گلمه سي ضرورتني قارشييا قويموشدي. محال وولايتلرين واحد بيردولتده بيرلشمه سيني وفئوداللار آراسيندا آردي كسيلمه دن دوام ايدن ويران ايديجي محاربه لره سون قويولماسيني طلب ايدنلرين سايي آذربايجاندا گيتديكجه آرتيردي.

قارل مارقس اورتا عصرلرده بو وياديگر اؤلكه- نين اهاليسي ايچريسينده محاربه لره سون قويولماسيني طلب ايدن عنصرلرين گيتديكجه آرتديغيني گوستره رك يازميشدي:

(( بوعنصرلر هرشيدن اول ايسته- ييرلركه، آردي- آراسي كسيلمه ين وهدر قانلار توكولمه سينه سبب اولان محاربه لره سون قويولسون،

خارجي دشمنلر اؤلكه يه سوخولموش اولدوغو حاللاردا دافاصله سيز داخلي محاربه لر گيتمه سينه سبب اولان فئودال چكيشمه لري آرادان قالديريلسين واؤلكه نين دائم معناسيز بير صورتده ويران ايديلمه سينه نهايت ويريلسين)) .*

باشقا اؤلكه لرده اولدوغو كيمي، آذربايجاندا دا او زمان اهالينين اساس كتله سيني تشكيل ايدن وداغيديجي محاربه لردن ان چوخ ضرر چكن اكينچيلر، خيردا تورپاق صاحبلري وشهرين صنعتكار- تاجر طبقه لري ايچريسينده بيله بير آرزو يارانيب گنيشلنيردي. محض بو طبقه لر اؤلكه نين سياسي جهتدن بيرلشيب واحد ومركزلشمش بير دولت داخلينده تشكيل اولنماسنين قيزغين طرفداري- ايديلر.

*مارقس وف. انگلس- اثرلري، 16-نجي جلد، صحيفه 443

آذربايجاندا فئودال پراكنده لگنين آرادان گوتورولوب واحد بير دولتين ياراديلماسيني طلب ايدن اكينچي اهالينين وشهر طبقه لرينين منافعيني مدافعه ايدن صفويلر نسلي اولموشدور. بو نسلدن اولان شيخلر طرفيندن باشچيلق ايديلن اردبيل حكمدارليغي 15-نجي عصرين اورتالارينا ياخين خيلي قوه لنه رك . آذربايجاني اؤز حاكميتي آلتيندا بيرلشديرمك اوغروندا مبارزه يه باشلاميشدي. مبارزه نين ايلك دورينده بير سيرا موفقيتسيزلكلره باخماياراق، صفويلرين باشچيلق ايتديگي قيزيلباش حركاتي گيتديكجه گنيشلنير، يني- يني اهالي طبقه لريني احاطه ايديردي. آغ قويونلو دولتي ايسه 15-نجي عصرين سونلارينا ياخين خيلي ضعيفلشميشدي. بوندان علاوه، بو دولت حاكملرينين دؤزولمز سياستيندن چوخ ناراضي اولان آذربايجان خلق كتله لرينين صفويلر نسلنه بسله ديگي حسن رغبت گيتديكجه آرتير وقوتلنيردي.

اسماعيل صفوينين سياسي مبارزه ميدانينا قدم قويماسي ايله بو حركات داها سرعتله گنيشلنمگه باشلادي.

آتاسي حيدر وقارداشي سلطانعلي ، شيروانشاهلارا وآغ قويونلولارا قارشي مبارزه ده تلف اولدوقدان سونرا، 14-15 ياشلي اسماعيل قيزيلباش حركاتينا باشچليق ايدير وشيعه ليك بايراغي آلتيندا آذربايجانين واحدبير دولت داخلينده بيرلشمه سي اوغروندا قيزغين مبارزه يه گيريشير. گنج اسماعيل، آذربايجاني بيرلشديرمك اوغروندا فعاليته باشلاديغي لاپ ايلك گؤنلردن بيله خلق كتله لرينين ينيلمز وبؤيوك بيرقوه ايله گنيشله نن ايجتماعي وسياسي شيروانشاهلارا قارشي مبارزه- دن باشلانير.

اسماعيل صفوي ايلك ضربه ني شيروانشاهلارا اينديرمگي قراره آلير. او 1500-نجي ايلده يدي مين نفرليك بيردسته ايله شيروانا حربي سفره چيخير. گلستان قلعه سنين ياخينلغيندا جباني آدلي يرده ووروشما باش ويرير. بو ووروشمادا اسماعيلين كيچيك دسته سي شيروانشاه فرخ يسارين 26مين نفرليك قوشونيني مغلوب ايدير، شيروانشاهين اؤزي ايسه بو ووروشمادا هلاك اولور. بوغلبه نتيجه سينده دئمك اولاركه، شيروان محالنين تورپاغي،شماخي وباكو شهرلري ايله بيرليكده، شاه اسماعيلين اختيارينا كئچير. سونرا اسماعيل صفوي شيرواندان جنوبه حركت ايدير وآغ قويونلو پادشاهي الوند ايله مبارزه آپارمالي اولور، چونكه او زامان الوند آذربايجانين مهم بير حصه سيني ، اونون جنوب ولايتلريني ونخجواني اؤز الينده ساخلاييردي وعين زماندا الوند قيزيلباشلارا قارشي محاربه يه حاضرلاشيردي. بو مقصد اوچون اوبؤيوك بير قووه توپلامشدي.

اسماعيل صفوي ايله الوند ميزا آراسيندا

ووروشما 1501-نجي ايلده شرور ياخينليغيندا باش ويردي. اسماعيل صفوي بو ووروشمادا ينه آز بير قووه ايله آغ قويونلو پادشاهنين بؤيوك بير اوردوسيني دارماداغين ايدير. گنج سركرده اسماعيل شرور محاربه سينده اؤز دسته سنين قاباق سيرالاريندا چارپيشاراق بؤيوك رشادت وايگيتليك گؤستريردي. بوباره ده ايران تاريخچيسي خوندمير بيله يازير:

((شاه ايگيتلري بو ووروشمادا چوخ قوچاقليق گؤسترديلر. الوندين30 مينه قدر قوشوني اسماعيلين 7 مين نفرليك دسته سينين هجومي قارشيبسيندا تاب گتيره بيلمه يب تماميله مغلوب اولدي. شاهين اؤزي ايسه قلنجيني سييره رك شيركيمي دشمن اوزرينه جومدي، ساغا وسولا ضربه ايندريب آغ قويونليلاري يارپاق كيمي دوغراماغا باشلادي. او، بيرچوخلاريني آتدان يره سره رك ظفر بايراغيني ديكلتمش اولدي)) *

*خوندمير. حبيب للسير، 3-نجي جلد، 6 حصه، صحيفه 32

شرور محاربه سينده كي پارلاق غلبه ياخين شرق اؤلكه لرينده اسماعيل صفوييه بؤيوك بير شهرت قازانديردي.

جباني وشرورمحاربه لرينين نتيجه سينده آذربايجانين شيروان، قاراباغ، نخجوان ولايتلري وجنوب حصه سي، ديمك اولار كه، بوتون آذربايجان، شمالي ارمنستان اسماعيل صفوينين الينه كئچدي. اسماعيل اؤز قيزيلباشچي دسته سي ايله آذربايجان تورپاغندان كئچركن يرلي اهالي كتله لري اوني بؤيوك راضيليق حيسي وسئوينجله قارشيلايير وقيزيلباشلارين طرفنه كئچيرديلر.

اسماعيل قيسا بيرمدت عرضينده بوتون آذربايجان ولايتلريني اله كئچيرديكدن سونرا، صفوي دولتني قورور، 1501- نجي ايلده او، طنطنه ايله تبريزه داخل اولور، 1502-نجي ايلده اؤزوني بوتون اؤلكه نين پادشاهي اعلان ائدير،

تبريزي صفوي دولتينين پايتختينه چئويرير.

شاه اسماعيلين تبريز شهريني صفوي دولتينين پايتختي ايتمه سي هئچ ده تصادفي دگيلدي، چونكه تبريز شهري او زامان آذربايجان خلقنين معنوي حياتينين اساس اوجاغي، سياسي بيرليك آرزوسي وجهدلرينين باشليجا مركزي- ايدي. تبريز بوتون قاباق آسيا كاروان تجارتينين ايري مركزي وكاروان تجارت يوللارينين آيريجندا دوران مهم بير منطقه اولمشدي. تبريز اؤزونين محتشم كاشانه لري، گوزل، طمطراقلي عمارتلري، شهرت قازانميش مدرسه لري، مشهور اولان رصدخانه سي ايله دونيانين بؤيوك و ازدحاملي شهرلريندن بيري حساب اولونوردي.

1502-نجي ابلده شاه اسماعيل اؤزوني تكجه آذربايجانين دگيل، ايرانين دا پادشاهي اعلان ائتميشدي. اسماعيلين بو حركتي، يعني اؤزوني ايرانين دا پادشاهي اعلان ائتمه سي او زامان موجود اولان تاريخي شرائطله سيخ صورتده علاقه دار ايدي. نظره آلماق لازمديركه، 15-16-نجي عصرلرده قيزيلباش حركاتي تكجه اؤز وطني اولان آذربايجان چرچيوه سينده قالماياراق، بوتون ياخين شرقده، بيرنجي نوبه ده قونشو ايراندا خيلي يايلمشدي. عراقدا كيچيك آسيادا وخصوصيله ايراندا شاه اسماعيلين اون مينلرله طرفداري وار ايدي. ايران مملكتينين شهر اهاليسي وكندلي كتله لري قيزيلباش حركاتنا آزادليق حركاتي، اونون باشچيسي شاه اسماعيله ايسه اؤز خلاصكاري كيمي باخيرديلار، اونا بؤيوك اميد بسله ييرديلر. بونا گؤره ده شاه اسماعيل تكجه آذربايجاني اؤز حاكميتي آلتيندا بيرلشديرمكله كفايتلنه بيلمزدي. او،‌ ايران اهاليسيني آغ قويونليلارين ظلم و اذيتندن قورتارمالي، اؤز صفوي دولتينين سرحدلريني گنيشلنديرمكله غربدن وشرقدن اونون تهلكه سيرليگيني تامين ائتمه لي ايدي. بو مقصدله شاه اسماعيل 1502-نجي ايلده ايران ولايتلرينه سفره چيخدي. شاه اسماعيل، صفوي دولتيني دشمنجه سينه قارشيلايان، ايرانين خيلي حصه سيني الينه كئچيريب جماعتنه چوخ ظلم ائدن آغ قويونلي سلطان مراد ايله مبارزه يه باشلادي. بو ووروشما 1503-نجي ايلده همدانين ياخينلغيندا باش وئردي. اسماعيل صفوي واونون سركرده لري بو ووروشمادا بؤيوك حربي مهارت گؤستره رك، سلطان مرادين قات- قات اوستون اولان قونشولاريني دارماداغين ائتديلر.

1507-نجي ايلده سلطان مراد شاه اسماعيل دولتينين اوزرينه ينيدن هجوما باشلادي. لاكن او، بو دفعه ده شاه اسماعيل طرفيندن مغلوب ايديلدي وشاه اسماعيل ايرانين مركزي ولايتلرينه طرف حركت ائتدي. مشهور تاريخچي اسكندر منشينين دئديگينه گؤره قيزيلباش قوشونلاري ايرانين مركزي ولايتلرينه داخل اولدوقدا يرلي اهالي اونلاري بير خلاصكار كيمي دوز وچوركله قارشيلاييردي. 1508-نجي ايلده خراساندان باشقا ايرانين بوتون ولايتلري قيزيلباشلارين الينه كئچيب صفويلر دولتينه الحاق ايديلير.

1506-نجي ايلدن باشلاميش 1510-نجي ايله قدر شاه اسماعيل كردستانه وعراقه بيرنئچه دفعه حربي سفر دوزلده رك، دياربكر، بغداد و بتليس شهرلريني اله كئچيرمشدي. بوندان باشقا، اورتا آسيا طرفيندن ايرانا تز- تز باسقين ايديب بؤيوك تخريباته و سويغوتچيلغا سبب اولان شيباني خانلاريني اسماعيل صفوي 1510-نجي ايلده ازه رك تركستانين بير حصه سيني اؤز حاكميتي آلتينا آلميشدي. بو باره ده آذربايجانين مشهور تاريخچيسي عباسقلي آقا باكيخانف بيله قيد ائدير:

((شاه اسماعيل نوبه ايله دياربكري، هر ايكي عراقي، فارسستاني، خراساني وتركستانين بير حصه سني اله كئچيرديكدن سونرا تبريزه قايتدي))*

قارل مارقس اؤز ((خرونولوژي يازيلار)) يندا شاه اسماعيلين سركرده ليك مهارتينه بيله قيمت وئرير: ((او اؤز حكمرانليغين 14 ايلي عرضينده 14 اؤلكه ني الينه كئچيردي)) . . . **

فرانسيز تاريخچيسي هومه ر شاه اسماعيلين سركرده ليك فعاليتي حققينده بيله ديير:

((او، آرتيق 14 ايلديركه، چارپيشير، هميشه غالب گليردي. شاه اسماعيل بو مدتده 14 دولتي مغلوب ايتميشدير)) . ***

شاه اسماعيل صفوي اؤزونون مدرك سياستي،‌ سركرده ليك مهارتي وخلقيميزين غيرتي سايه- سينده قيسا بيرمدت عرضينده آذربايجاندا و ايراندا اولان آيري- آيري حكمدارلاري آرادان قالديريبب هرات ايله دياربكر،‌ بغداد ايله دربند آراسينداكي يرلري احاطه ايدن قدرتلي بير دولت ياراتميشدي.

16-نجي عصرده صفوي دولتينين ياخين شرقده ان بؤيوك رقيبي توركيه سلطانليغي ايدي. بو زامان توركيه سلطانليغي ان قوتلي حربي- فئودال دولت حساب اولونوردي. توركيه سلطانليغي، 15-نجي عصرين آخرلارينا ياخين بالقان ياريم آداسيني اله كئچيريب لآفستريا ومجارستانا، آراليق دنيزي ساحللرينه وقارا دنيزين شمالينا سوخولا بيلميشدي. غربده كي موفقيتلردن مست اولموش توركيه سلطانليغي شرقده بابلستانا سوخولاراق قافقازي، آذربايجاني، ايراني، مصري وعربستاني اؤز حاكميتي آلتينا آلماق و بو اؤلكه- لردن كئچن كاروان تجارت يوللاريني اله

*باكيخانوف. گلستان ارم، باكو، 1926. صحيفه77

**مارقس وانگلسين آرخيوي، 8-نجي جلد، صحيفه 206، 1940-نجي ايل

***هومه ر. عثمانلي دولتينين تاريخي، صحيفه 195، 1836 (فرانسيزجا)

كئچيرمك نيتنه دوشموشدي. ديگر طرفدن صفوي دولتينين عمله گلمه سي، اونون ياخين شرقده كي موفقيتلري توركيه سلطانليغيني برك ناراحت ائدير وتشويشه ساليردي. قيزيلباش حركاتينين كيچيك آسيايه سرايت ايتمه سي ده عثمانلي سلطانليغيني آز ناراحت ائتميردي. اوديركي ، حدسيز درجه ده حاكميت پرستلگي، رحمسيزليك ومستبدليگي ايله مشهور اولان سلطان سليم 1512-نجي ايلده توركيه ده حاكميت باشينا كئچديكدن سونرا صفويلرله اوللرده باغلانميش صلح معاهده سيني پوزور وصفوي دولتينه قارشي مبارزه يه باشلايير. سلطان سليم اسلاميتي مدافعه ائتمك پرده سي آلتيندا وصفويلر دولتينين دين دشمني اولدوغو حقينده شايعه لر يايماقلا اؤز استيلاچي سياستني گيزلتمگله چاليشيردي. تاريخچيلر دييرلركه، سلطان سليم بو بهانه ايله شاه اسماعيلين آخرينه چيخماق، آذربايجاني وايراني فتح ايديب اؤز دولتنه قاتماق مقصديني گوديردي.

عثماني سلطاني، صفوي دولتي عليهينه چوخدان محاربه يه حاضرلاشديغي اوچون بؤيوك اوردو دوزلتمشدي. ماخذلرده دييلديگينه گوره عثمانليلارين صفويلره قارشي محاربه اوچون حاضرلامش اولدوقلاري قوشونلارين سايي 200مين پياده وسواريدن عبارت ايدي. اوديركه، چوخدان بري محاربه يه حاضرلانميش اولان سلطان اؤز قوشونلاري ايله 1514-نجي ايلده غفلتا هجوما كئچه رك، صفويلر دولتينين تورپاغينا- آذربايجانا سوخولور. عثمانلي غصبكارلاري شاه اسماعيلين پايتختي تبريزه چاتماغا جان آتيرديلار. وطنپرور يرلي اهالي عثمانلي غصبكارلارا عنادلي مقاومت گؤستريردي. اؤلكه نين استقلاليتين تهلكه قارشسيندا اولدوغونو گؤرن شاه اسماعيل اؤز قوشونلاري ايله برابر

ايره ليه حركت ايده رك دشمنله ووروشماغا

باشلايير.

شرقين هر ايكي قدرتلي دولتينين جنگاورلري آراسينداكي بو ووروشما 1514-نجي ايلين 23 آغوستوندا تبريزين 30 منزلليگينده اولان چالديران دوزونده باش ويردي. بو ووروشما تاريخده چالديران محاربه سي آدي ايله مشهوردير.

بو ووروشمادا اشتراك ايدن دشمن قووه لر برابر دگلدي. سلطان سليمين قووه لري سايجا شاه اسماعيلين قوشونلاريندان خيلي آرتيق ايدي. بوندان علاوه تورك قوشونلارينين اختياريندا چوخلي آتش آچان سلاح وتوپ دا وارايدي. صفويلر ايسه اودلي سلاحدان وتوپدان تماميله محروم ايديلر. قووه لرينين اوستونليگينه آرخالانان عثمانليلار بو ووروشمادا جدي بير موفقييت قازانا بيلمه ديلر.

شاه اسماعيل عثمانلي قوشونلارينين ساي اعتباريله وسلاحلانما جهتدن قات- قات اوستون اولدوقلاريني بيلديكده كاريخمادي. او، سلطان قوشونلارينا ايكي طرفدن ضربه وورماغي نظرده دوتوب اوردوسونون بيرحصه سيني اؤز قومانداسي آلتيندا تورك اوردوسونون سول جناحينا، باشقا بيرحصه سيني ايسه سركرده سي اوستاجلي خانين باشچيليغي ايله دشمنين ساغ جناحينا جسارتله هجوما آپاردي.

اسماعيل صفوينين دوزلتديگي نقشه يه گؤره اونون قوشونلاري دشمنين پياده حيصه لرينين و توپچي دسته لرينين آرخاسنا كئچيب بورادان ينيچريلر قوشونونا ضربه انديرمه لي ايديلر. لاكن سلطان قوشونلاري درحال توپلاردان وتفنگلردن شدتلي آتش آچديلار. اوستاجلي خانين ساغ جناحدان اولان هجومي دفع ايديلدي. سركرده- نين اؤزي ايسه ووروشمادا قهرمانجاسينا هلاك

اولدي. قلبي رشادت ودشمنه قارشي غضب حسيله

جوشان شاه اسماعيل ايسه جلد اؤز سه چمه سواري دسته سي ايله عثمانليلارين قاباق جرگه- سينين ايچريسنه جومدي ودشمني قيرماغا باشلادي.

ووروشمانين قيزغين چاغيندا عثمانلي قوشونونون سيراسيندا اولان مشهور پهلوان ميكائيل اوغلي، شاه اسماعيلي تك به تك دوگوشه چاغيردي. پادشاه اؤز حربي رئيسلرينين اعتراضينا قولاق آسماياراق عثمانلي پهلوانينين چاغريشني قبول ائتدي. حكمدار الده قلنج غضبلنمش شيركيمي چارپيشاراق فوق العاده بير قووه ايله انديرديگي ضربه ايله عثمانلي پهلوانيني دبلقه سي ايله برابر ايكي يره پارچالادي وآت اوستوندن يره سردي. حكمدارين بو قهرمانلغيندان روحلانان جسور صفوي سواريلري قيزغين هجوما كئچه رك عثمانلي قوشونلارينين ساغ جناحني ووروب گئري آتديلار.

((عثمانلي بگلري وسركرده لري اسماعيلين گوجلو هجومونتيجه سينده قاچماغا اوز قوياراق توپلارين مدافعه سينه پناه آپارديلار)). *

عثمانليلار جرگه ايله دوزولموش توپلاردان دايانمادان ايره لي حركت ائدن قيزيلباش سواريلرينه دهشتلي آتش آچديلار. يدنجي آتشدن سونرا شاه اسماعيلين سواريلري خيلي گوجدن دوشدولر، حمله لري دايانديريلدي. لاكن قورخماز سركرده وحكمدار اسماعيل دايانمادان ايره لي گئدير، دولي كيمي ياغديريلان دشمن مرميلرينين آلتيندا دشمن توپلارينين اوستونه جوموردي. شدتلي ووروشمادان سونرا، شاه اسماعيل بيرنئچه جنگاوري ايله عثمانليلارين اودلي حلقه سني قيردي، دشمن توپچيلاريني قلنجدان كچيرمگه باشلادي.

چالديران دوزونده كي محاربه ني تصور ايدن تاريخچيلر شاه اسماعيلين مثلسيز ايگيتليك وشجاعتني تعريفله ييرلر.

اسكندر منشي خبر ويريركه:

(( شاه اسماعيل وفالي آتي اوستونده نعره چكيب

دويوش ميدانينا آتيلدي. او، عثمانليلارين توپ جرگه سني ياراراق اوتوزا كيمي توپچيني قلنجدان كئچيردي)) . * *

اسكندر منشي باشقا بيريرده بو باره ده بيله ديير:

((شاه اسماعيل بومعركه ده ايله بيرهنر گؤستردي كه، اسفنديارين قهرمانليق داستانيني كولگه ده بوراخدي)) . ***

*هومه ر. عثمانلي دولتينين تاريخي،‌صحيفه 198. 1836- نجي ايل.

** اسكندر منشي. عالم آراي عباسي؟ 1-نجي جلد، صحيفه 20 تهران،1313 (هجري)

*** ينه اورادا.

توركيه مؤلفي حامد وهابي شاه اسماعيلين چالديران محاربه سينده گؤسترديگي خارق العاده قهرمانليغي اعتراف ايده رك يازير:

((شاه اسماعيلين هجومي اول درجه شدتلي- ايدي كه، او، مينديگي آتلار تلف اولدوقجا وياخود بايلديقجا ديگرينه مينه رك بو وجهله 7 آت دگيشديرمش و ان دهشتلي تهلكه لره اوغرامشكن اصلا روگردان اولمامشدر)) .

شاه اسماعيلين معاصري اولان تاريخچي خوندمير اوني ماكدونيالي اسكندرله مقايسه ايده رك ديير كه:

((بويوك حكمدار اسكندر ذوالقرنينه برابر خاقان ايدي)) . *

بونا باخماياراق، شاه اسماعيلين نه شخصي قهرمانليغي، نه ده صفوي سواريلرينين ايگيتليگي دويوش ميدانيندا عمله گلمش چتين وضعيتي آرادان قالديرا بيلمه دي، سلطان سليم احتياطدا ساخلاديغي قووه لري شاه اسماعيلين سواريله رينه قارشي گؤندردي و اونلاري گئري چكيلمگه مجبور ائتدي. صفوي قوشونلارينين بؤيوك هنر، رشادت وقهرمانليقلارينا باخماياراق عثمانليلارين سايجا چوخ اولماسي وسلاحلانما جهتدن مقايسه ايديلمز درجه ده اوستونلوگي محاربه ني اونلارين نفعنه حل ائتدي.

(( مثلسيز صفوي سواريلرينين بو افسانه وي قهرمانليغي توركلرين توپلاري و ينيچريلرين آتش آچان سلاحي ايله مغلوب ايديلدي)) .* *

چالدران محاربه سيندن سونرا سلطان سليمين قوشونلاري ايره لي حركت ايتديلر. تبريز شهري موقتي اولاراق اونلارين الينه كئچدي .

لاكن چوخ كئچمه دي كه، يني قووه توپلامش اولان شاه اسماعيل عثمانلي قوشونلاريني اؤلكه نين ايچريلرينه، ايرانا سوخولماغا نه اينكه قويمادي، عكسنه اولاراق،

*خوندمير. حبيب السير، 3-نجي جلد، 6- نجي حصه، صحيفه 31

** موللر. اسلام تاريخي، 3-نجي جلد، صحيفه 392

اونلاري آذربايجان تورپاغيندان ووروب چيخارتدي. قارل مارقس قيد ايديركه، ((شاه اسماعيل 1515-1516-نجي ايللرده يني حربي قووه توپلاييب تبريز شهريني گئري آلدي )) . *

جسور آذربايجانليلارين عنادلي مقاومتي وقهرمانليغي نتيجه سينده عثمانلي غصبكارلارينين نقشه لري پوزولدي.آذربايجاني و اونون آردينجا ايراني فتح ائديب اطاعته گتيرمك عثمانلي اشغالچيلارينا قسمت اولمادي. چونكه اسماعيل صفوي قوشونلارينين مردانه وعنادلي دويوشمه- لري نتيجه سينده سلطان سليمين قوشونلاري تماميله طاقتدن دوشموشدي. عثمانلي اوردوسوندا بؤيوك روح دوشگونلوگو يارانميشدي سلطان اوردوسونون ان ياخشي حصه سيني تشكيل ايدن ينيچريلر بيله هجوما كئچمكدن بويون قاچيريرديلار. عثمانلي تاريخچيسي احمد رفيقين يازديغينا گؤره اؤز قوشونلارينين بو وضعيتدن غضبلنمش سلطان سليم ينيچريلره مراجعت ايديب حدتله: ((سيز عسگر لباسيندا اولان قورخاقلارسنيز)) ديميشدي.

شاه اسماعيلين و قوشونلارينين چالديران محاربه سينده گؤسترديكلري مثلسيز ايگيتليك، فداكارليق وشجاعت آذربايجان خلقنين حربي مهارت تاريخينين ان پارلاق صحيفه لريندن بيريني تشكيل ائدير. تكجه آذربايجان وايران تاريخچيلري دگيل، هابئله بير چوخ توركيه مؤلفلري وآوروپا عالملري قيزيلباشلارين چالديران محاربه سينده فوق العاده بير ايگيتليك گؤسترديكلريني حيرتله اعتراف ائديرلر.

چالديران محاربه سينين توركيه سلطانليغي اوچون بير غلبه گتيره بيلمه ديگيني گورن سلطان سليم 1515-نجي ايلده شاه اسماعيل ايله صلح معاهده سي باغلاماغا مجبور اولدي. بوصلح معاهده سي اساسينده شاه اسماعيلين شرقي زاقافقاسيادا موقعي داها دا محكملندي.

بيله ليكله بؤيوك سياستچي، مهارتلي دولت خادمي وسركرده اولان شاه اسماعيل ياد ائللي اشغالچيلارلا اوزون مدت عنادلي وقهرمانجاسنا مبارزه آپاراراق آذربايجان وايران استقلاليتني،

*مارقس وانگلسين آرخيوي، 7-نجي جلد، صحيفه 206

ياراتمش اولديغي صفوي دولتينين عظمتني ساخلايا بيلدي.

شاه اسماعيلين صفوي دولتي او زامان شرقده ان قوتلي دولتلردن بيري حساب اولونوردي. مشهور روس شرقشناسي آكادميك بارتولد شاه اسماعيل دولتني بؤيوك بير ايمپريا آدلانديرير. حققينده ده صفويلر دولتي اؤز قدرتي، عظمتي و اراضيسي اعتباريله او زامان 5-نجي قالين ايمپرياسندان ، عثمانلي توركيه سي وباشقا دونيا دولتلريندن هئچ ده گئري قالمايردي.

بيله بير قوتلي دولتين يارانماسي بلاواسطه

اسماعيل صفوينين آدي ايله باغليدير. آذربايجان خلقنين تاريخينده ان بؤيوك ونادر سيمالاردان بيري اولان شاه اسماعيل، صفوي دولتني ياراتماقلا آذربايجان وايرانين تاريخنده ان پارلاق وترقي پرور بير رول اوينامشدر.

((يالنيز داهي بيرانسان ياري كوچري حيات سورن بو سواريلردن، شهرليلر وزراعتله مشغول اولانلاردان حقيقي بير دولت تشكيل ائده بيلردي)) . *

اسماعيل صفوي، اؤز دولتيني خارجي باسقيلاردان قوروماقلا برابر اونون داخلدن محكملنديريلمه سينه ده خصوصي دقت يتيريردي. او، فئودال حاكملري آراسيندا گئدن چكيشمه لره و مبارزه يه سون قويماقلا دولتين داخلدن ضعيفلشمه سي قورخوسونون قارشيسيني آلا بيلمشدي وبؤيوك بير باجاريقلا اداره ايتديگي دولت داخلينده محكم انضباطي قاعده ياراتمشدي. دولت ايشلري يوخاريدان آشاغيا قدر يوخلانيليردي. شاه اسماعيل دولته خيانت ايدنلري، ويرگي وتوجي يغاركن اهالييه اذيت ويرن مامورلاري جزالانديريردي. حكمدار دولته ووطنه خيانت ائدنلره، خلقين دشمنلرينه قارشي اولدوقجا امانسيز ايدي، قورخاقلاري هئچ گؤرمك ايسته- مزدي.

شاه اسماعيل آذربايجانين و ايرانين گنيش اهالي كلري ايچرسينده بؤيوك حورمت ونفوذا

*موللر. اسلام تارخي، 3-نجي جلد، صحيفه 392، 1896- نجي ايل.

مالك ايدي. او، باجاريقلي بير سركرده ومدرك بير دولت خادمي كيمي مشهور اولماقدان باشقا اؤلكه ده راحتليق و امن- امانليق ياراديلماسي،‌اهالي كتله لري وضعيتينين نسبتا ياخشيلاشديريلماسي قيدينه قالان بير پادشاه كيمي ده شهرت قازانمشدي. بير چوخ تاريخچيلر، او جمله دن او زامان آذربايجانا وايرانا سياحته گلمش اولان آوروپاليلار شاه اسماعيلي جسور، اولدوقجا عقللي بير انسان، اؤلكه نين وخلقين قيدينه قالان بير پادشاه كيمي مدح ايديرلر.

تاريخچي حسن روملي يازيركه:

((شاه اسماعيل محاربه ميدانيندا شيركيمي ووروشاردي. ضيافت مجلسنده ايسه آغزيندان در ياغديراردي)) .

اسماعيل صفوي، شخصي حياتدا اولدوقجا ملايم، گوزل رفتارلي بيرسيما اولمشدر. بونا گؤره ديركه، خلق كتله لري اوني سئوير واونا احترام ائديرديلر.

شاه اسماعيلين استعدادي، خلقين همت وغيرتي سايه سينده تشكيل اولونموش صفويلر دولتي زمانيندا آذربايجاندا و ايراندا اقتصادي حيات، ادبيات، اينجه صنعت، علم خيلي ترقي ائتميشدي. بؤيوك دولت خادمي وقابل سركرده اولماقدان باشقا، استعدادلي ومشهور شاعر اولان شاه اسماعيل خطائي ادبياتين، صنايع نفيسه نين، علمين ترقيسيني حمايه ايديردي. او، اؤلكه نين ان گوركملي عالملريني، شاعرلريني اؤز سراينه توپلامشدي. حاجي ميزا آدلي مؤلف ((فارسنامه)) اثرينده شاه اسماعيلين، علم،‌ادبيات وصنايع نفيسه ساحه سيندكي فعاليتي حققينده بيله يازير:

((عالملر شاه اسماعيلي قابل وكامل بيرحكمدار حساب ائديرلر. پادشاه عالملرله، كامل شخصلر وشاعرلرله برك دوست ايدي. او، اؤزي ده خطائي تخلصي ايله آذربايجانجا شعر دييردي)) .*

*حاجي ميرزا. فارسنامه، صحيفه 115،تهران، 1813-نجي ايل.

اسماعيل صفوينين حمايه سي سايه سينده اؤلكه- ده رسامليق، نقاشليق ومعمارليق دا يوكسلمكده- ايدي. تبريزده او زامان تشكيل اولمونموش رساملارمكتبي شرقين ان مشهور مكتبلريندن بيري حساب اولونوردي. شرقين رفائيلي حساب اولونان بؤيوك واستعدادلي رسام كمال الدين بهزاد شاه اسماعيل دولتينين پايتختي اولان تبريز شهرينده ياشايير وياراديردي.

آذربايجاندا موسيقي شناسليغين ترقسينه ده خصوصي اهميت ويريليردي. او زامان حتي شاه اسماعيل آدينا ((شاه خطائي)) هواسي ياراديلمشدي وسازدا چالينيردي.

شاه اسماعيلين وقتنده آذربايجان ديلي رسمي دولت ديلي، ادبيات و ديپلوماتيا ديلي ايدي. آذربايجان ديلينين شاه اسماعيل دورونده مهم بير دولت ديلي اولماسي نتيجه سينده واونون تاثيري آلتيندا آذربايجانين قونشولوغوندا اولان اؤلكه لرين چوخوندا بو ديل گنيش بيرصورتده يايلماغا باشلامشدي. بو دورده شرق اؤلكه لرينين بيرچوخ عالم، شاعر واديبلري اؤز اثرلريني آذربايجان ديلينده يازميشلار.

شاه اسماعيلين وقتينده صفوي دولتينده سياسي- ايقتصادي، مدني حياتين ترقيسي ايله ياناشي اولاراق بو دولتين بين الخالق مقياسدا اهميتي آرتير ويوكسليردي. صفوي دولتينين بيرچوخ آوروپا دولتلري ايله تجارت و ديپلوماتيك علاقه سي وار ايدي. آوروپا دولتلري شاه اسماعيلين قدرتلي دولتي ايله نه اينكه حسابلاشيرديلار، حتي توركيه سلطانليغينين استيلاسينا قارشي اونو اؤزلرينه متفق ائتمگه چاليشيرديلار.

يوخاريدا سويله نيلنلردن گؤرونديگي كيمي صفوي دولتي، شاه اسماعيلين فراستي ومدرك سياستي،

آذربايجان خلقلرينين سعيي سايه سينده قوتلي بير دولته چئويريليب دونيا سياستينده بؤيوك رول اويناييردي. صفوي دولتينين ياراديلماسندا واونون موفقيتلرينده آذربايجان خلقنين ياراديجي دهاسي، سياسي قدرتي، عظمتي، گوزل دولت قوروجولوغو قابليتي اؤزوني بير داها پارلاق صورتده گؤسترمش اولدي. صفوي دولتي آذربايجانين و ايرانين سياسي- مدني وايقتصادي ترقسينده مهم تاريخي بيرمرحله تشكيل ائدير.

بانيسي شاه اسماعيل اولان بو دولت خلقميزين ميللي شعورونون انتباهندا، اونون سياسي بيرليگين محكملنديرمه سينده، آذربايجان وايرانين اسيتقاليتينين تامين ائديلمه سينده گوركملي رول اوينامشدير.

آذربايجانين حورمتلي تاريخجيسي وعالمي عباس قلي آقا باكيخانوفين ديديگي كيمي ((دوستلارا ايشيق ساچان دشمنلري يانديران پارلاق بير گونش اولان شاه اسماعيل صفوينين آدي وطنپرورليك، قهرمانليق، ايگيتليك، مدركليك وجنگاورليك رمزي كيمي خلقيميزين آلاولي قلبينده ومحتشم تاريخينده ياشامش، ياشايير وياشاياجاقدر.