چوخ حؤرمتلی عاليم، يازار و سياسی فعال دوقتور ضياء صدرالاشرافی جنابلاری،
هر بير ميللتين ميللی وارليغينی قوروماق مسئوليتی، او ميللتين دوغما مدنيت اينکشافی اوغروندا چاليشان اينسانلارين
روزه رينه دوشور…
آذربايجان ميللی جبهه سینين عضوی اولاراق ، هر بير آذربايجانلی کيمی، سيز ايله فخر ائديره م. بعضی چتينليک لره
گؤره، بو گؤزه ل مراسيمه قاتيلما شانسيم اولماديغی اوچون اوزگونم. اومورام کی، اوزورلو بهانه مه گؤره ، منی
باغيشلاياسينيز!
سيزی، ۷۷- جی ايل دؤنومو مناسبتيله باغلی اورکدن تبريک ائدير، اؤزونوزه، حؤرمتلی حيات يولداشينيزا و سئوگيلی
اولادلارينيزا محکم جان ساغليغی و ايشلرينيزده يوکسک باشاريلار ديله ييره م.
آغيرلاما مراسيمينی قوران «وارليغين سسی» – نه ايسه عاليملريميزی اونودماديقلاری اوچون مينت دارليغيمی
بيلديرمک ايسته رديم!
حؤرمتله ولی نظری. هلندييا
حورمتلی ضياء صدرالاشرافی جنابلاری،
بئله لیکله دوغوم گونوزو قوتلویاراق و سیزین آزربایجان ميللی جبهه سی ایله اورکدن امکداش لیغینیزی باهانا اٍدَرَک
شکرانلاریمیزی و تبریک لریمیزی قبول ائتمک آرزوسی ایله، سیزه و حؤرمتلی عايله نيزه اوزون و معنالی عومور و
محکم جان ساغليغی، هابئله ايشلرينيزده باشاريلار ديله ييريک!
شاد قالین اسن یاشایین.
حسین صمصامی، آلمانيا
حورمتلی ضياء صدرالاشرافی بئی،
يئددی، ادبيات و کولتوروموزده گؤزه لليکله بير گلير! ايکی يئددی بيرگه گَلنده، گؤزه لليک
گؤزه للشير دئمک دير! گؤزه ل اينسان، بوتون گؤزه لليک لر سيزين اولسون. ۷۷- جی آد گونونوز اوغورلو
اولسون اوستاد!
علی آردی
ايسوچ
ميللتيمين شرفلی اولادی، جان قارداشيم، گؤرکملی مدنيت خاديمی، ميرموسا هاشيمی جنابلاری!
وارليغين سسی درگيسی تشبوثو ايله آذربايجان ميللتينين شرفلی اولادی، عاليم، بيليم آدامی، سياستچی، يازيچی،
پوپوليسيست سئور، وطن پرور اينسان ضياء صدرالاشرافی جنابلاری نين بارلی عؤمورونون ۷۷- جی ايل دؤنومو
مناسبتی ايله يارانميش بو طنطنه لی تؤرن ، سونسوز سئوينجيميزه سبب اولدو. حؤرمتلی دوقتور صدرالاشرافی
جنابلاری دا گؤرونور دوغال اولاراق بير چوخ باشقا ضيالیلاريميز کيمی زمانين سَرت اوزلويوندن يالنيز اؤز
اختصاصی ايتيم آلديغی ساحه ده فعاليتله کيفايت لنمه ميش ، ميللتينين سوسيال مَعيشتينه، سياسی بارلاماسينا، کولتوره
ل اينکشافينا، ديلينه، يوردونا، تاريخينه تام مسئوليت ايله ياناشيب، يوکونو داشيماغی اَن اؤنملی گؤره وی سانميش دير.
من بو شانلی ييغيناجاغين ايشتراکچی سی اولماسام دا بو گؤزه ل آنلاردا بو جمعين سئوينجينه قاتيلاراق گؤرکملی ضياء
صدرالاشرافی جنابلارينا اوزون، بارلی- برکتلی حيات يولو ديله ييب، آزادليق، عدالت، ميللی حکومت اوغروندا گَلَن
موجادله ده قلمينيز داها کَسَرلی اولسون دئييره م!
سايغيلارلا،
کريم گول اندام
۲۷ اوت ۲۰۲۳ -اورمو